സംസ്ഥാന പാതയില്‍ കാലടിത്തറയില്‍ നിയന്ത്രണം വിട്ട ഇന്നോവ മരത്തിലും നിര്‍ത്തിയിട്ട പിക്കപ്പ് ലോറിയിലും ഇടിച്ച് മറിഞ്ഞു; 4 പേര്‍ക്ക് പരിക്കേറ്റു

ചങ്ങരംകുളം: നടുവട്ടം കാലടിത്തറയില്‍ നിയന്ത്രണം വിട്ട ഇന്നോവ മരത്തിലും നിര്‍ത്തിയിട്ട പിക്കപ്പ് ലോറിയിലും ഇടിച്ച് മറിഞ്ഞു ‘4 പേര്‍ക്ക് പരിക്കേറ്റു. ആനക്കര സ്വദേശികളായ 32 വയസുള്ള റിയാസ്, 25 വയസുള്ള അഫ്സ, 4 വയസുള്ള ഐസിന്‍, 15 വയസുള്ള റിസ് വാന എന്നിവര്‍ക്കാണ് പരിക്കേറ്റത്. പരിക്കേറ്റവരെ നാട്ടുകാര്‍ ചേര്‍ന്ന് എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചു. തൃശ്ശൂര്‍ കുറ്റിപ്പുറം സംസ്ഥാന പാതയില്‍ കാലടിത്തറ മണലിയാര്‍കാവ് ക്ഷേത്രത്തിന് സമീപം ചൊവ്വാഴ്ച കാലത്ത് ആറര മണിയോടെയാണ് അപകടം. തൃശ്ശൂര്‍ ഭാഗത്ത് നിന്നും എടപ്പാള്‍ ഭാഗത്തേക്ക് പോയിരുന്ന കുടുംബം സഞ്ചരിച്ച ഇന്നോവ കാര്‍ നിയന്ത്രണം വിട്ട് സ്വകാര്യ പറമ്പിലെ മരത്തിലും സമീപത്ത് നിര്‍ത്തിയിട്ട പിക്കപ്പ് ലോറിയിലും ഇടിച്ച് മറിയുകയായിരുന്നു. ഇടിയുടെ ആഘാതത്തില്‍ മരം മുറിയുകയും ഇന്നോവ പൂര്‍ണ്ണമായും തകരുകയും ചെയ്തു