ഈദ് ദിനത്തിൽ ലഹരിക്കെതിരെ തീർത്ത സൗഹൃദചങ്ങല ശ്രദ്ധേയമായി

ചങ്ങരംകുളം:ചിയ്യാനൂർ ബിലാൽ മസ്ജിദ് കമ്മിറ്റിയുടെ നേതൃത്വത്തില്‍ പെരുന്നാൾ ദിനത്തിൽ ലഹരി വിരുദ്ധ മനുഷ്യ ചങ്ങല തീര്‍ത്തു.മദ്യവും മയക്ക് മരുന്നും ഉപയോഗിക്കുന്നതിലൂടെ കുടുംബത്തിലും,സമൂഹത്തിലും ഒറ്റപ്പെടുമെന്നും,ഇത്തരം സാമൂഹ്യ തിന്മകൾക്കെതിരെ ഐക്യത്തോടെ നാട് ഒന്നിക്കണമെന്നും ചങ്ങലയിൽ പങ്കെടുത്തവർ പ്രതിജ്ഞ ചെയ്തു.ചങ്ങരംകുളം പൗരസമിതി കൺവീനർ മുജീബ് കോക്കൂർ ഉദ്ഘാടനം ചെയ്തു.മസ്ജിദ് ഇമാം ഇബ്രാഹിം മുസ്‌ലിയാർ,എഴുത്തുകാരനും സാംസ്‌കാരിക പ്രവർത്തകനുമായ താഹിർ ഇസ്മായിൽ,മസ്ജിദ് കമ്മിറ്റി സെക്രട്ടറി ഹുസൈൻ ചിയ്യാനൂർ,ട്രഷറർ റസാഖ് കിളിയിൽ,ഹസൻ ചിയ്യാനൂർ,പി വി അഷ്‌റഫ്‌, റഫീഖ് ടി കെ,റയീസ്, മുനീർ എന്നിവർ നേതൃത്വം നൽകി.മസ്ജിദ് കമ്മിറ്റി പ്രസിഡന്റ്‌ വി പി അബ്ദുൽ ഖാദർ പ്രതിജ്ഞ ചെല്ലിക്കൊടുത്തു.