നടുവട്ടം കൂനംമൂച്ചി റോഡിലെ കുഴികള്‍ ജനങ്ങള്‍ക്ക് ഭീഷണിയാവുന്നു’അധികൃതര്‍ക്ക് മൗനം

എടപ്പാള്‍:നടുവട്ടം കൂനംമൂച്ചി റോഡിലെ കുഴികള്‍ ജനങ്ങള്‍ക്ക് ഭീഷണിയാവുന്നതായി പരാതി.കപ്പൂര്‍ പഞ്ചായത്തിലെ കൊള്ളനൂര്‍ മുതല്‍ ജില്ലാ അതിര്‍ത്ഥിയായ കുറ്റിപ്പാല പാടം വരെയുള്ള ഭാഗങ്ങളില്‍ ആണ് അഗാതമായ ഗര്‍ത്തം രൂപപ്പെട്ടിരിക്കുന്നത്.വര്‍ഷങ്ങളായി തകര്‍ന്ന് കിടക്കുന്ന റോഡിലെ കുഴികളില്‍ ഇരുചക്രവാഹനങ്ങള്‍ വീഴുന്നതും യാത്രക്കാര്‍ക്ക് പരിക്കേല്‍ക്കുന്നതും പതിവാണെന്ന് നാട്ടുകാര്‍ പറയുന്നു.രാത്രി ആവുന്നതോടെ തെരുവ് വിളക്ക് പോലും ഇല്ലാത്ത റോഡില്‍ അപകടകരമായ കുഴികള്‍ ഉള്ളത് പലപ്പോഴും യാത്രക്കാര്‍ക്ക് പോലും തിരിച്ചറിയാന്‍ കഴിയാത്തതാണ് അപകടങ്ങള്‍ക്ക് കാരണമാകുന്നത്.റോഡിലെ കുഴികള്‍ ജനങ്ങള്‍ക്ക് ഭീഷണി ആവാന്‍ തുടങ്ങിയിട്ട് വര്‍ഷങ്ങള്‍ ആയെങ്കില്‍ അധികൃതര്‍ ഇപ്പോഴും മൗനത്തിലാണ്.റോഡിലെ ശോചനീയാവസ്ഥ പരിഹരിക്കാന്‍ ഇനി ആരോട് പരാതി പറയും എന്നതാണ് നാട്ടുകാര്‍ ഉയര്‍ത്തുന്ന ചോദ്യം