പാവിട്ടപ്പുറം – മാങ്കുളം വർധിച്ചു വരുന്ന റോഡപകടങ്ങൾ തടയാൻ മുൻകരുതലെടുക്കണം:വെൽഫയർ പാർട്ടി

ചങ്ങരംകുളം:സംസ്ഥാന പാതയില്‍ കോലിക്കര, പാവിട്ടപ്പുറം, മാങ്കുളം ഭാഗത്ത് റോഡപകടങ്ങൾ നിത്യസംഭവമായി മാറിക്കഴിഞ്ഞു.എത്രയോ ജീവൻ പൊലിഞ്ഞു. ഗുരുതര പരിക്കുകളോടെ ആശുപത്രികളിൽ ചികിത്സയിൽ കഴിയുന്നവർ അനവധി.റോഡപകടങ്ങൾ തടയാൻ അധികൃതർ അടിയന്തിരമായി മുൻകൈ എടുക്കണമെന്നും, കോക്കൂർ ഇരുപത്തിഒന്നാം നമ്പർ അംഗൻ വാടിക്ക് സ്വന്തമായി സ്ഥലവും, കെട്ടിടവും ലഭ്യമാക്കാൻ വേണ്ട നടപടികൾ സ്വീകരിക്കണമെന്നും വെൽഫയർ പാർട്ടി ആലങ്കോട് പഞ്ചായത്ത് നേതൃസംഗമം ആവശ്യപ്പെട്ടു.ജില്ലാ സെക്രട്ടറി അശ്റഫലി കട്ടുപ്പാറ ഉൽഘാടനം ചെയ്തു.ഇ.വി. മുജീബ് അധ്യക്ഷത വഹിച്ചു. ഷഹനാസ് എടപ്പാൾ, ഖലീലുർ റഹ്മാൻ പൊന്നാനി, റുക്സാന ഇർഷാദ്,ടി.വി.മുഹമ്മദ് അബ്ദുറഹ്മാൻ തുടങ്ങിയവർ സംസാരിച്ചു.