എടപ്പാളില്‍ സ്കൂട്ടര്‍ യാത്രക്കാരനെ ഇടിച്ച് നിര്‍ത്താതെ പോയ കെഎസ്ആര്‍ടിസി ബസ് ചങ്ങരംകുളം പോലീസ് കസ്റ്റഡിയില്‍ എടുത്തു

എടപ്പാളില്‍ സ്കൂട്ടര്‍ യാത്രക്കാരനെ ഇടിച്ച് നിര്‍ത്താതെ പോയ കെഎസ്ആര്‍ടിസി ബസ് ചങ്ങരംകുളം പോലീസ് കസ്റ്റഡിയില്‍ എടുത്തു.ആലുവ കോഴിക്കോട് റൂട്ടിലോടുന്ന കെഎസ്ആര്‍ടിസി ബസ്സാണ് ചങ്ങരംകുളം സിഐ ഷൈനിന്റെ നേതൃത്വത്തിലുള്ള പ്രത്യേക അന്വേഷണ സംഘം ആലുവ ഡിപ്പോയിലെത്തി കസ്റ്റഡിയില്‍ എടുത്തത്.അപകടത്തില്‍ പരിക്കേറ്റ കോലളമ്പ് സ്വദേശിയായ 70 വയസുള്ള കോലളമ്പ് സ്വദേശി വാക്കാട്ടയില്‍ കുഞ്ഞാലി തൃശ്ശൂരിലെ സ്വകാര്യ ആശുപത്രിയില്‍ അതീവ ഗുരുതരവസ്ഥയില്‍ ചികിത്സയിലാണ്.കുറ്റിപ്പുറം തൃശ്ശൂര്‍ സംസ്ഥാന പാതയില്‍ എടപ്പാള്‍ കണ്ണഞ്ചിറ ഇറക്കത്തില്‍ ഫെബ്രുവരി 10ന് വൈകിയിട്ട് 5 മണിയോടെയാണ് കുഞ്ഞാലി സഞ്ചരിച്ച സ്കൂട്ടറില്‍ കെഎസ്ആര്‍ടിസി ഇടിച്ച് നിര്‍ത്താതെ പോയത്.സിവില്‍ പോലീസ് ഓഫീസര്‍ സുജിത്ത് ആണ് പ്രദേശത്തെ സിസിടിവി കേന്ദ്രീകരിച്ച് നടത്തിയ അന്വേഷണത്തില്‍ അപകടം വരുത്തിയ ബസ് കണ്ടെത്തിയത്.