നിയന്ത്രണം വിട്ട ടിപ്പര്‍ താഴ്‌ചയിലേക്ക് മറിഞ്ഞ് യുവതിയ്‌ക്ക് ദാരുണാന്ത്യം; 4 പേര്‍ക്ക് പരിക്ക്

കൂടരഞ്ഞിക്ക് സമീപം പൂവാറൻ തോട്ടിൽ ടിപ്പർ ലോറി താഴ്‌ചയിലേക്ക് മറിഞ്ഞുണ്ടായ അപകടത്തിൽ യുവതി മരിച്ചു. മറ്റ് നാല് പേർക്ക് പരിക്കേറ്റു. പൂവാറൻ തോട് കൊടിഞ്ഞിപ്പുറത്ത് ജംഷീന (22) ആണ് മരിച്ചത്.ഇന്നലെ രാത്രി പത്ത് മണിയോടെ ആണ് അപകടം സംഭവിച്ചത്. പൂവാറൻ തോട് ഭാഗത്ത് നിന്നും കുത്തനെയുള്ള ഇറക്കം ഇറങ്ങി വരികയായിരുന്ന ടിപ്പറാണ് അപകടത്തിൽപ്പെട്ടത്. ഒറ്റപ്ലാവ് വളവിൽ എത്തിയപ്പോൾ പെട്ടെന്ന് ടിപ്പറിൻ്റെ നിയന്ത്രണം നഷ്‌ടപ്പെടുകയായിരുന്നു.