സ്ഥിരമായി കഞ്ചാവ് ലഹരിയില്‍ വാഹനം ഓടിച്ചു; സ്വകാര്യബസ് ഡ്രൈവര്‍ പിടിയില്‍

കോഴിക്കോട് പന്തീരാങ്കാവില്‍ കഞ്ചാവ് ലഹരിയില്‍ ബസ് ഒാടിച്ച സ്വാകര്യബസ് ഡ്രൈവര്‍ പിടിയില്‍. പൊക്കുന്ന് പള്ളിക്കണ്ടി വീട്ടില്‍ ഫൈജാസ് ആണ് അറസ്റ്റിലായത്. ഇയാള്‍ ഡ്രൈവിങ്ങിനിടെ സ്ഥിരമായി കഞ്ചാവ് ഉപയോഗിക്കാറുണ്ടെന്നും അന്വേഷണത്തില്‍ കണ്ടെത്തി. പെരുമണ്ണ – കോഴിക്കോട് റൂട്ടിലോടുന്ന റോഡ് കിങ് എന്ന ബസിലെ ഡ്രൈവറാണ് ഫൈജാസ്. സ്ഥിരമായി കഞ്ചാവ് ഉപയോഗിച്ചുകൊണ്ടാണ് ബസ് ഓടിക്കുന്നതെന്ന രഹസ്യവിവരത്തെ തുടര്‍ന്നായിരുന്നു പൊലീസിന്റ പരിശോധന. പൊലീസ് എത്തിയപ്പോഴും ഇയാള്‍ കഞ്ചാവ് ലഹരിയിലായിരുന്നു. ഇയാളില്‍ നിന്ന് കഞ്ചാവും കണ്ടെത്തി.