സൗദി അറേബ്യയിൽ മലയാളിയെ കുത്തേറ്റു മരിച്ച നിലയിൽ കണ്ടെത്തി

റിയാദ്: സൗദി അറേബ്യയിലെ റിയാദിൽ മലയാളിയെ കുത്തേറ്റ് മരിച്ച നിലയിൽ കണ്ടെത്തി.എറണാകുളം, മൂവാറ്റുപുഴ സ്വദേശിയായ ഷമീർ അലിയാരാണ് (47) കൊല്ലപ്പെട്ടത്.മോഷണ ശ്രമത്തിനിടെ കൊല്ലപ്പെട്ടതായാണ് കരുതപ്പെടുന്നത്.ഇദ്ദേഹത്തിൻ്റെ വാഹനവും,
ഫോണും, പണവും ലാപ്ടോപ്പുമെല്ലാം നഷ്‌ടപ്പെട്ടിട്ടുണ്ട്.കഴിഞ്ഞ ദിവസം രാത്രി ജോലി കഴിഞ്ഞ് റൂമിലേക്ക് പോയ ഇദ്ദേഹത്തെ കുറിച്ച് പിന്നീട് വിവരമൊന്നും ഇല്ലാത്തത് കൊണ്ട് സുഹൃത്തുക്കൾ അന്വേഷിച്ചെത്തി പോലീസിൽ വിവരമറിയിക്കുകയായിരുന്നു.റൂമിൽ വെച്ച് മോഷ്‌ടാക്കളുടെ കുത്തേറ്റ് മരിച്ചതായായാണ് സുഹൃത്തുക്കൾ കരുതുന്നത്. പൊലീസ് അന്വേഷണം തുടങ്ങിയിട്ടുണ്ട്.ഷമീർ മൊബൈൽ ബിസിനസ്സുമായി ബന്ധപ്പെട്ടാണ് ജോലി ചെയ്യുന്നത്. ഇദ്ദേഹത്തിന്റെ ഭാര്യ ഷുമൈസി ആശുപത്രിയിൽ നഴ്‌സാണ്, മൂന്ന് മക്കളുണ്ട്.റിയാദ് ഷുമൈസി ആശുപത്രിയിൽ സൂക്ഷിച്ചിരിക്കുന്ന മൃതദേഹം,പോസ്റ്റ്മോർട്ടത്തിന് ശേഷം തുടർ നടപടികൾ സ്വീകരിക്കും.കെഎംസിസി എറണാകുളം കമ്മിറ്റി എക്സ‌ിക്യുട്ടീവ് അംഗമാണ്.റിയാദിൽ മോഷ്‌ടാക്കളുടെ ശല്യമുണ്ട്. കഴിഞ്ഞ ദിവസം കത്തി കാണിച്ച് ഭീഷണിപ്പെടുത്തി കവർച്ച നടത്തിയ രണ്ടുപേരെ റിയാദ് പോലീസ് അറസ്റ്റ്ചെയ്തിരുന്നു