ടൗണിന്റെ ശോചനീയാവസ്ഥ ഉടനെ പരിഹരിക്കുമെന്ന് എംഎല്‍എ യുടെ ഉറപ്പ് ’23ന് വ്യാപാരി സമിതി കട തുറക്കും

ചങ്ങരംകുളം ടൗണില്‍ ജൽ ജീവൻ പൈപ്പ് ലൈനുവേണ്ടി പൊളിച്ച റോഡിൻ്റെ പ്രവർത്തിയും ,ചങ്ങരംകുളം സൗന്ദര്യവൽക്കരണത്തിൻ്റെ പ്രവൃത്തിയും എത്രയും വേഗത്തിൽ തുടങ്ങി പൂർത്തിയാക്കണമെന്നാവശ്യപ്പെട്ട് ചങ്ങരംകുളം യൂണിറ്റ് വ്യാപാരി വ്യവസായി സമിതി നേതാക്കള്‍ എംഎല്‍എ യുമായി ചര്‍ച്ച നടത്തി.വ്യാപാരികൾക്ക് ഉണ്ടായ ആശങ്ക മാറ്റുന്നതിന് നടപടി സ്വീകരിക്കുമെന്നും എത്രയും വേഗത്തില്‍ പ്രവൃത്തി തുടങ്ങി പൂർത്തീകരിക്കുമെന്നും, വ്യാപാരികൾ ഉണ്ടായ ആശങ്ക അകറ്റുമെന്നും വ്യാപാരി വ്യവസായി സമിതിക്ക് ഉറപ്പ് നൽകിയതായി നേതാക്കള്‍ പറഞ്ഞു.23 ന് വ്യാഴാഴ്ച്ച വ്യാപാരി സമിതിയിലെ സ്ഥാപനങ്ങൾ തുറന്നു പ്രവർത്തിക്കുമെന്നും ഇവര്‍ പറഞ്ഞു.വ്യാപാരി വ്യവസായി സമിതി മലപ്പുറം ജില്ലാ കമ്മിറ്റി അംഗം എപി മുഹമ്മദ് മാനു ,യൂണിറ്റ് പ്രസിഡൻ്റ് ഫൈസൽ,യൂണിറ്റ് സെക്രട്ടറി റൗഫ് ചിയ്യാനൂർ ,ജമാൽ,അഷ്‌റഫ്, രതീഷ് എന്നിവർ ചർച്ചയിൽ പങ്കെടുത്തു