ഇന്ന് കുളങ്കര വേല;എടപ്പാളിലും,വട്ടംകുളത്തും ഗതാഗതനിയന്ത്രണം

എടപ്പാൾ : ഇന്ന് നടക്കുന്ന ശുകപുരം കുളങ്കര വേലയോടനുബന്ധിച്ച് പോലീസ് എടപ്പാളില്‍ ഗതാഗത നിയന്ത്രണം ഏര്‍പ്പെടുത്തി.
ഉച്ചയ്ക്ക് രണ്ട് മണി മുതലാണ് എടപ്പാള്‍ ,വട്ടംകുളം
മേഖലകളിൽ ഗതാഗതനിയന്ത്രണം ഏര്‍പ്പെടുത്തിയിരിക്കുന്നത്
കുറ്റിപ്പുറം -തൃശൂര്‍ സംസ്ഥാനപാതയിലൂടെ പോകുന്ന ബസുകൾ എടപ്പാള്‍ ടൗണിൽ പ്രവേശിക്കാതെ മേൽപ്പാലം വഴി കടന്നു പോകണം. പട്ടാമ്പി റോഡിലൂടെ വരുന്ന വാഹനങ്ങൾ വട്ടകുളത്തു നിന്ന് പഞ്ചായത്ത് ഓഫീസ് വഴിയും കുറ്റിപ്പാല വഴിയും നടുവട്ടം വഴി തൃശൂര്‍ റോഡിലേക്ക് കയറണം.
പൊന്നാനി ഭാഗത്തേക്കുള്ള വാഹനങ്ങള്‍ നടുവട്ടത്തുനിന്നും അയിലക്കാട്,
അംശക്കച്ചേരി വഴിയും കുറ്റിപ്പുറം ഭാഗത്തേക്കുള്ളവ എടപ്പാൾ മേൽപ്പാലം വഴിയും പോകണം.
പൊന്നാനിയിൽനിന്ന് പട്ടാമ്പി റോഡിലേക്കുള്ള വാഹനങ്ങളും ഇതേ റൂട്ടിൽ വട്ടംകുളം വഴി കടന്നു പോകണം.
പൊന്നാനിയിൽ നിന്നും കുറ്റിപ്പുറം, തൃശ്ശൂർ ഭാഗങ്ങളിലേക്കുള്ള
വാഹനങ്ങൾക്ക് എടപ്പാള്‍ ടൗണ്‍ വഴി തന്നെ കടന്നു പോകാം.