ആലങ്കോട് ഗ്രാമ പഞ്ചായത്ത് വികസന സെമിനാർ സംഘടിപ്പിച്ചു,ഭവന പദ്ധതിക്ക് 7 കോടി, ഗ്രാമീണ റോഡുകൾക്ക് 3 കോടി

ചങ്ങരംകുളം:-ആലങ്കോട് ഗ്രാമ പഞ്ചായത്ത് 2025 -26 വർഷത്തേക്കുള്ള പദ്ധതികൾ ആസൂത്രണം ചെയ്യുന്നതിൻ്റെ ഭാഗമായി വികസന സെമിനാർ സംഘടിപ്പിച്ചു.കാലങ്ങളായി പഞ്ചായത്തിനകത്ത് ഇരട്ടവീടുകളിൽ കഴിയുന്ന കിഴിക്കര, മാന്തടം പ്രദേശത്തെ കുടുംബങ്ങൾക്ക് ഒറ്റവീട് നൽകുന്നതിന് ആവശ്യമായ തുക വകയിരുത്തി.പഞ്ചായത്ത് ബിൽഡിംഗ് നിർമാണത്തിനാവശ്യമായ തുക, ബഡ്‌സ് സ്കൂൾ സ്ഥലം വാങ്ങുന്നതിന് 20 ലക്ഷം, പഞ്ചായത്ത് പരിധിയിൽ പുതിയ 1000 തെരുവ് വിളക്കുകൾ സ്ഥാപിക്കുന്നതിനാവശ്യമായ തുക എന്നിവ വകയിരുത്തി.ഇരട്ട വീടുകൾ ഒറ്റ വീടുകളാക്കി മാറ്റൽ: 1 കോടി രൂപ,സുസ്ഥിര നെൽകൃഷി വികസനം: 70 ലക്ഷം രൂപ,ഗ്രാമീണ റോഡുകളുടെ പുനരുദ്ധാരണം: 3 കോടി, ലൈഫ് , പി.എം.എ.വൈ .ഭവന നിർമ്മാണം: 7 കോടി, ഗ്രാമവണ്ടി ബസ് സർവീസ്: 10 ലക്ഷം,ഭിന്ന ശേഷി സ്കൂളിന് സ്ഥലം വാങ്ങൽ: 20 ലക്ഷം, പുതിയ പഞ്ചായത്ത് കെട്ടിടം ഉൽഘാടനം 3.30 കോടി, അംഗനവാടികളുടെ നവീകരണം: 12 ലക്ഷം, വകയിരുത്തി.ചങ്ങരംകുളം ഷൈൻഓഡിറ്റോറിയത്തിൽ ചേർന്ന വികസന സെമിനാർ പെരുമ്പടപ്പ് ബ്ലോക്ക് പഞ്ചായത്ത് പ്രസിഡൻ്റ് അഡ്വ: ഇ. സിന്ധു ഉൽഘാടനം ചെയ്തു.ഗ്രാമ പഞ്ചായത്ത് പ്രസിഡൻ്റ് കെ.വി.ഷഹീർ അധ്യക്ഷത വഹിച്ചു. വികസന സ്റ്റാൻഡിങ് കമ്മറ്റി ചെയർമാൻ മുഹമ്മദ് ഷരീഫ് വികസന രേഖ അവതരിപ്പിച്ചു. വൈസ് പ്രസിഡൻ്റ് പ്രബിത ടീച്ചർ, ബ്ലോക്ക് പഞ്ചായത്ത് ആസൂത്രണ സമിതി ഉപാധ്യക്ഷൻ പി വിജയൻ, പഞ്ചായത്ത് ആസൂത്രണ സമിതി ഉപാധ്യക്ഷൻ എൻ. ഉണ്ണി, ബ്ലോക്ക് മെമ്പർ രാംദാസ്,കരുണാകരൻ, പഞ്ചായത്ത് ക്ഷേമ കാര്യ ചെയർപേഴ്സൺ ഷഹന നാസർ, ആരോഗ്യ സ്റ്റാൻഡിങ് കമ്മറ്റി ചെയർമാൻ സി.കെ.പ്രകാശൻ, മെമ്പർമാരായ സുജിത, ആസിയ, മുസ്ലീം ലീഗ് നേതാവ് ഷാനവാസ് വട്ടത്തൂർ ,വ്യാപാരി വ്യവസായി ഏകോപന സമിതി നേതാവ് ഖാലിദ്, കൃഷ്ണൻ പാവിട്ടപ്പുറം, കൃഷ്ണൻ നായർ തുടങ്ങിയവർ സംസാരിച്ചു.