ജൂനിയർ വിദ്യാർഥിയെ സർബത്ത് ഗ്ലാസ് കൊണ്ട് കുത്തി; മെഡിക്കൽ മെഡിക്കല്‍ വിദ്യാര്‍ത്ഥി അറസ്റ്റില്‍

കൊച്ചി : ജൂനിയര്‍ വിദ്യാര്‍ഥിയെ ആക്രമിച്ച കേസില്‍ മെഡിക്കല്‍ കോളേജ് മൂന്നാം വര്‍ഷ വിദ്യാര്‍ത്ഥി അറസ്റ്റില്‍. തിരൂര്‍ സ്വദേശിയായ കമാല്‍ ഫാറൂഖ് എന്നയാളെയാണ് പോലീസ് അറസ്റ്റ് ചെയ്തത്. കളമശ്ശേരി മെഡിക്കല്‍ കോളേജ് മൂന്നാം വര്‍ഷ വിദ്യാര്‍ത്ഥിയാണ് ഇയാള്‍. രണ്ടാം വര്‍ഷ വിദ്യാര്‍ത്ഥിയായ അഭിന്‍ ദാസിനെയാണ് സര്‍ബത്തു ഗ്ലാസ് കൊണ്ട് കുത്തി കൊലപ്പെടുത്താന്‍ ശ്രമിച്ചത്. അഭിന്‍ ദാസ് മെഡിക്കല്‍ കോളേജില്‍ തീവ്രപരിചരണ വിഭാഗത്തില്‍ ചികിത്സയിലാണ്.കളമശ്ശേരി കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു. കളമശേരി എസ്.ഐ. സെബാസ്റ്റ്യയന്‍ ചാക്കോയുടെ നേതൃത്വത്തിലാണ് അറസ്റ്റ് രേഖപ്പെടുത്തിയത്. എ.എസ്.ഐ.സെബാസ്റ്റിയന്‍, എസ്.സി.പി.ഒ.മാരായ അജ്മല്‍, പ്രദീപ, രതിന്‍ സി.പി.ഒ. ജിജോ എന്നിവരും അന്വേഷണസംഘത്തിലുണ്ടായിരുന്നു.