ചങ്ങരംകുളം:ആലങ്കോട് ഗ്രാമപഞ്ചായത്തും പൊന്നാനി താലൂക്ക് വ്യവസായ ഓഫീസും സംയുക്തമായി മലപ്പുറം ജില്ലാ വ്യവസായ കേന്ദ്രത്തിൻ്റെ ആഭിമുഖ്യത്തിൽ സംരംഭക സഭ സംഘടിപ്പിച്ചു.ചങ്ങരംകുളം യൂണിവേഴ്സ് അക്കാദമി ഹാളില് നടന്ന പരിപാടി ആലങ്കോട് ഗ്രാമപഞ്ചായത്ത് പ്രസിഡൻ്റ് കെവി ഷെഹീർ ഉദ്ഘാടനം ചെയ്തു.65 സംരംഭകർ പരിപാടിയില് പങ്കെടുത്തു.ഗ്രാമപഞ്ചായത്ത് വൈസ് പ്രസിഡന്റ് പ്രഭിത ടീച്ചര് അധ്യക്ഷത വഹിച്ച യോഗത്തിൽ പെരുമ്പടപ്പ് ബ്ലോക്ക് വ്യവസായ വികസന ഓഫീസർ സിന്ധു എം.ബി സ്വാഗതം പറഞ്ഞു.ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സി കെ പ്രകാശൻ ആശംസകൾ അറിയിച്ചു.മെമ്പർമാരായ അബ്ദ്രു ,നിമ്നാ ചെമ്പ്ര,വിനിത ,മൈമൂന,ചന്ദ്രമതി ,തസ്നീംഎന്നിവർ ചടങ്ങിൽ പങ്കെടുത്തു.പൊന്നാനി താലൂക്ക് റിസോഴ്സ് പേഴ്സൺ തുഷാര വിവിധ ഡിപ്പാർട്ട്മെന്റുകളുടെ ലൈസൻസുകളെ കുറിച്ചും വ്യവസായ വകുപ്പിന്റെ വിവിധ പദ്ധതികളെ കുറിച്ചും വിശദീകരിച്ചു.തുടർന്ന് ലോൺ സാങ്ഷൻ ലെറ്ററുകൾ വിതരണവും നടന്നു.പൊന്നാനി എംപ്ലോയ്മെൻറ് എക്സ്ചേഞ്ച് ഡിപ്പാർട്ട്മെന്റിൽ നിന്നും അജിത് കുമാർ സ്വയം തൊഴിൽ പദ്ധതികളുമായി ബന്ധപ്പെട്ട് സംരംഭകരുമായി സംവദിച്ചു . അവരുടെ സംശയങ്ങൾക്ക് മറുപടി നൽകി.അജിത് .സജിനി(കനറബാങ്ക് ചങ്ങരംകുളം),റിതുല(ഐഒബി)ചങ്ങരംകുളം ചിഞ്ചു (എസ്ബിഐ ചങ്ങരംകുളം) എന്നിവർ ലോൺ സാങ്ഷൻ ലെറ്റർ വിതരണവും ലോണുമായി ബന്ധപ്പെട്ട വിഷയങ്ങളെ കുറിച്ചുള്ള ചർച്ചകളും സംരംഭകർക്കുള്ള സംശയങ്ങൾക്ക് മറുപടിയും നൽകി .
ഇ ഡി ഇ ആയ അഞ്ജലി ,അസ്ല എന്നിവർ സംരംഭകർക്കായി ഹെല്പ് ഡെസ്ക് ഒരുക്കിയിരുന്നു.യോഗത്തിന് ആലങ്കോട് ഗ്രാമപഞ്ചായത്ത് ഇ ഡി ഇ അഞ്ജലി നന്ദി അറിയിച്ചു
