വിഷം കൊടുത്ത് കൊല്ലുന്നതിന് മുൻപ് ലൈംഗികബന്ധത്തിലേര്‍പ്പെട്ടു’ഗൂഗിള്‍ ചെയ്തത് പനിയായതിനാല്‍; ഷാരോണ്‍ കേസില്‍ വിധി 17ന്

കാമുകനായിരുന്ന ഷാരോണ്‍ എന്ന യുവാവിന് കഷായത്തില്‍ കീടനാശിനി കലക്കി നല്‍കി കൊലപ്പെടുത്തിയ കേസില്‍ വിധി ഈ മാസം 17 ന്.നെയ്യാറ്റിൻകര അഡീഷണല്‍ സെഷൻസ് കോടതിയാകും വിധി പറയുക. ഷാരോണ്‍ രാജ് വധക്കേസില്‍ പ്രതിഭാഗത്തിന്റേയും വാദിഭാഗത്തിന്റേയും വാദങ്ങള്‍ പൂർത്തിയായിരുന്നു.വിഷത്തെക്കുറിച്ച്‌ പ്രതി ഗ്രീഷ്മ ഗൂഗിളില്‍ സെർച്ച്‌ ചെയ്ത് ആത്മഹത്യ പ്രവണത ഉണ്ടായിരുന്നത്. വിഷത്തെക്കുറിച്ച്‌ പ്രതി ഗ്രീഷ്മ ഗൂഗിളില്‍ സെർച്ച്‌ ചെയ്തത് ആത്മഹത്യ പ്രവണത ഉണ്ടായിരുന്നത് കൊണ്ടാണ് എന്നാണ് പ്രതിഭാഗം വാദിച്ചത്. പാരസെറ്റാമോളിനെ കുറിച്ച്‌ ഗൂഗിളില്‍ സെർച് ചെയ്തത് പനി ആയതിനാലെന്നും വാദമുണ്ട്.പ്രണയബന്ധത്തില്‍ നിന്ന് പിൻമാറാൻ തയ്യാറാകാതെ വന്നതോടെയാണ് ഷാരോണിനെ കൊലപ്പെടുത്താൻ ഗ്രീഷ്മ തീരുമാനിച്ചത്.വീട്ടുകാർ ആരുമില്ലാത്തദിവസം തന്ത്രപൂർവം വീട്ടിലേക്ക് വിളിച്ചുവരുത്തി ഷാരോണിന് താൻ കുടിക്കുന്ന കഷായമാണെന്നും രുചിച്ച്‌ നോക്കാന് പറ്റുമോയെന്ന് വെല്ലുവിളിച്ചു. ചലഞ്ച് ഏറ്റെടുത്ത ഷാരോണ്‍ മണിക്കൂറുകള്‍ക്കുള്ളില്‍ അവശനായി.രക്തം ശർദിച്ച്‌ ആശുപത്രിയില്‍ ചികിത്സ തേടി. ചികിത്സ കാലയളവിലും സുഖവിവരം അന്വേഷിച്ച്‌ ഗ്രീഷ്മ ബന്ധപ്പെട്ടു. സന്ദേശങ്ങള്‍ അയച്ചു.ചികിത്സയിലിരിക്കെ കൃത്യം 11 ദിവസത്തിന് ശേഷം ഒക്ടോബർ 25 ന് ഷാരോണ്‍ കൊല്ലപ്പെട്ടു. പോസ്റ്റുമോർട്ടം റിപ്പോർട്ടില്‍ കൊലപാതകമെന്ന് ബോധ്യപ്പെട്ടു. പിന്നാലെ അന്വേഷണം ഗ്രീഷ്മയിലേക്ക് എത്തി. ശാസ്ത്രീയ തെളിവുകളാണ് ഗ്രീഷ്മയെ കുടുക്കിയത്