കാട്ടകാമ്പാൽ സ്രായിൽ മോഷണശ്രമം:വിവസ്ത്രനായ മോഷ്ടാവിന്റെ ദൃശ്യം സിസിടിവി യില്‍

കാട്ടകാമ്പാൽ സ്രായിൽ മോഷണശ്രമം. സ്രായിൽ തലേക്കര സുരേന്ദ്രൻ്റെ വീട്ടിലാണ് ഇന്നലെ പുലര്‍ച്ചെയാണ്
മോഷണശ്രമം
നടന്നത്. വീട്ടിലെ സിസിടിവി ക്യാമറയിൽ മോഷ്ടാവിന്റെ ദൃശ്യം
തെളിഞ്ഞിട്ടുണ്ട്.വീടിന്റെ പുറകുവശത്തെ വാതില്‍ തുറക്കാന്‍ ശ്രമിക്കുന്നത് ക്യാമറയില്‍ നിന്നും ലഭിച്ച ദൃശ്യങ്ങളിൽ കാണാം.വീടിന് ചുറ്റുപാടും നടന്ന കള്ളന്‍ ഒടുവില്‍ സിസിടിവി ക്യാമറ കണ്ടതോടെ പറമ്പിലേക്ക് പോയി.
വിവസ്ത്രനായ കള്ളന്റെ കയ്യില്‍ ടോർച്ചുണ്ട്. ഇതര സംസ്ഥാന തൊഴിലാളിയാണെന്ന് സംശയിക്കുന്നു. ക്യാമറയിലൂടെ സന്ദേശം ലഭിച്ചതിൻ്റെ ഭാഗമായി നാട്ടുകാർ പരിശോധിച്ചെങ്കിലും മോഷ്ടാവിനെ കണ്ടെത്തിയില്ല.കുന്നംകുളം പൊലീസില്‍ പരാതി നല്‍കി. കുറച്ച് ദിവസമായി ഇവിടെ വീടുകളിൽ മോഷണശ്രമങ്ങൾ നടക്കുന്നതായി നാട്ടുകാർ പറഞ്ഞു.
സിസിടിവി ദൃശ്യങ്ങൾക്ക് കേന്ദ്രീകരിച്ച് മോഷ്ടാവിനായി കുന്നംകുളം പോലീസ് അന്വേഷണം ഊർജ്ജതമാക്കി.