ആലംകോട് ഗ്രാമപഞ്ചായത്ത് മെമ്പറായി അബ്ദുറഹിമാന്‍ സത്യപ്രതിജ്ഞ ചെയ്തു

ചങ്ങരംകുളം:പെരുമുക്ക് ഉപതിരഞ്ഞെടുപ്പില്‍ വിജയിച്ച അബ്ദുറഹിമാന്‍ എന്ന അബ്ദ്രു ആലംകോട് ഗ്രാമപഞ്ചായത്ത് മെമ്പറായി ചുമതലയേറ്റു.തിങ്കളാഴ്ച കാലത്ത് 10 മണിക്ക് ഗ്രാമപഞ്ചായത്ത് ഹാളില്‍ നടന്ന ചടങ്ങില്‍ പ്രസിഡണ്ട് കെവി ഷെഹീര്‍ സത്യപ്രതിജ്ഞ ചൊല്ലി കൊടുത്തു.ജില്ലാ പഞ്ചായത്ത് മെമ്പര്‍ ആരിഫ നാസര്‍,ബ്ളോക്ക് പഞ്ചായത്ത് മെമ്പര്‍ കരുണാകരന്‍ ,മറ്റു പഞ്ചായത്ത് അംഗങ്ങള്‍,സിപിഎം നേതാക്കളായ പി വിജയന്‍,കുഞ്ഞുമുഹമ്മദ്,ഉണ്ണി തുടങ്ങി പ്രമുഖ സിപിഎം നേതാക്കളും പ്രവര്‍ത്തകരും സത്യപ്രതിജ്ഞാ ചടങ്ങില്‍ പങ്കെടുത്തു.പെരുമുക്ക് വാര്‍ഡില്‍ കോണ്‍ഗ്രസ്സ് മെമ്പറായിരുന്ന ഹക്കിം പെരുമുക്ക് രാജിവെച്ച ഒഴിവിലേക്കാണ് തിരഞ്ഞെടുപ്പ് നടന്നത്.410 വോട്ടിന്റെ റെക്കോര്‍ഡ് ഭൂരിപക്ഷത്തിനാണ് സിപിഎം സ്ഥാനാര്‍ത്ഥിയായ അബ്ദുറഹിമാന്‍ വിജയിച്ച് കയറിയത്.