വേൾഡ് മാർഷ്യൽ ആർട്സ് അസോസിയേഷന്റെ വേൾഡ് ഗ്രാൻഡ് മാസ്റ്ററായി ടി വി ഇബ്രാഹിം കുട്ടി മാസ്റ്ററെ പ്രഖ്യാപിച്ചു.താഹിർ ഇസ്മായിൽ ചങ്ങരംകുളത്തിന് ഓണററി ബ്ലാക് ബെൽറ്റ്

ചങ്ങരംകുളം:വേൾഡ് മാർഷ്യൽ ആർട്സ് അസോസിയേഷന്റെ വേൾഡ് ഗ്രാൻഡ് മാസ്റ്ററായി ടി വി ഇബ്രാഹിം കുട്ടി മാസ്റ്ററെ പ്രഖ്യാപിച്ചു .മൂക്കുതല മുക്തി ജിംനേഷ്യത്തിൽ വെച്ച് നടന്ന ചടങ്ങിൽ വേൾഡ് മാർഷ്യൽ ആര്‍ട്ട് പ്രസിഡണ്ട് ഡോ പ്രദീപ് ധർമ്മനാണ് ഗ്രാന്റ് മാസ്റ്റർ പട്ടവും അധികാര പത്രവും കൈമാറിയത്.ഒപ്പം എഴുത്തുകാരനും സാംസ്‌കാരിക പ്രവർത്തകനായ താഹിർ ഇസ്മായിൽ ചങ്ങരംകുളത്തിന് ഇന്ത്യൻ ഡൈനാമിക്ക് സെൽഫ് ഡിഫൻസ് കളരി പയറ്റ് സംസ്ഥാന കമ്മറ്റി ഓണററി ബ്ലാക് ബെൽറ്റ് നൽകി ആദരിച്ചു.കായിക രംഗത്തെ അന്വേഷണാത്മക പഠനത്തെ മുൻ നിർത്തിയാണ് ഈ ആദരവ് എന്ന് സംഘാടക സമതി അറിയിച്ചു. കായിക രംഗത്ത് പഠിതാകൾക്ക് ആവശ്യമായ കിടയറ്റ മൂന്നോളം പഠനങ്ങൾ താഹിർ ഇസ്മായിലിന്റേതായിട്ടുണ്ട്. വിജയൻ വാക്കേറ്റത്ത് നിയന്ത്രിച്ച ചടങ്ങിൽ ബാബു സലിം ടി വി ഇബ്രാഹിം കുട്ടി ഡോ പ്രദീപ് ധർമൻ ഐ ഡി എസ് ടി കെ ഇന്ത്യ ചീഫ് അബ്ദുറഹിമാൻ മാസ്റ്റർ കേരള ചീഫ് ഫസലുൽ ഹഖ് മാസ്റ്റർ , അബുൽ കാദർ മാസ്റ്റർ , നാസർ കോയിനി എന്നിവർ പ്രസംഗിച്ചു .