അപകടം പതിയിരിക്കുന്ന സംസ്ഥാന പാത’സെമിഹമ്പില്‍ നിരന്തരം അപകടം:പാതയോരം മുഴുവന്‍ അനധികൃത ഷെഡുകളും,പൊന്തക്കാടുകളും’കാല്‍നടയാത്ര റോഡിലൂടെ’അധികൃതര്‍ മൗനത്തിലാണ്

ശബരിമല തീര്‍ത്ഥാടകര്‍ അടക്കും നൂറ് കണക്കിന് ദീര്‍ഘദൂര വാഹനങ്ങള്‍ ഓരോ മണിക്കൂറിലും ചീറിപ്പായുന്ന തിരക്കേറിയ കുറ്റിപ്പുറം തൃശ്ശൂര്‍ സംസ്ഥാന പാതയിലെ ചങ്ങരംകുളം മുതല്‍ ജില്ലാ അതിര്‍ത്ഥിയായ കോലിക്കരെയുള്ള ഭാഗങ്ങളിലാണ് അപകടം പതിയിരിക്കുന്നത്.ചങ്ങരംകുളം മുതല്‍ വളയംകുളം വരെയുള്ള മൂന്ന് കിലോമീറ്റര്‍ പാതയോരം മുഴുവന്‍ അനധികൃത ഷെഡുകളും മണ്‍കൂനകളും ഷെഡുകളും കൊണ്ട് നിറഞ്ഞിരിക്കുകയാണ്.ഒരു തെരുവ് വിളക്ക് പോലും ഇല്ലാത്ത പാതയില്‍ റോഡിന്റെ ദിശ അറിയുന്നതിനുള്ള ഒരു മുന്നറിയിപ്പ് ബോര്‍ഡ് പോലുമില്ല.നിരവധി ജീവന്‍ പൊലിഞ്ഞ അപകട പാതയില്‍ അപകടങ്ങള്‍ കുറക്കുന്നതിനാണ് ചിയ്യാനൂര്‍ പാടത്തും വളയംകുളത്തും സെമി ഹമ്പുകള്‍ സ്ഥാപിച്ചത്.എന്നാല്‍ സെമി ഹമ്പില്‍ വാഹനങ്ങള്‍ കൂട്ടിയിടിക്കുന്നത് നിത്യ സംഭവമാണ്.ദീര്‍ഘദൂര വാഹനങ്ങള്‍ക്കും അന്യ സംസ്ഥാനങ്ങളില്‍ നിന്ന് വരുന്ന ചരക്ക് വാഹനങ്ങള്‍ അടക്കമുള്ളവക്കും സെമിഹമ്പ് തിരിച്ചറിയുന്നതിനുള്ള ഒരു സിഗ്നല്‍ ലൈറ്റ് പോലും ഇവിടെയില്ല .ഹമ്പില്‍ പെട്ടെന്ന് ബ്രേക്കിടുന്നത് മൂലം വാഹനങ്ങള്‍ നിയന്ത്രണം വിടുന്നതും പുറകില്‍ വാഹനങ്ങള്‍ ഇടിക്കുന്നതും ഇവിടെ പതിവ് കാഴ്ചയാണ്.ജലജീവന്‍ പദ്ധതിക്കായി പൊളിച്ച റോഡിലെ മണ്ണും കോണ്‍ഗ്രീറ്റ് വേസ്റ്റുകളും പാതയോരങ്ങളില്‍ കൂട്ടിയിട്ടിരിക്കുന്നു.ട്രൈനേജുകള്‍ മുഴുവന്‍ മണ്ണ് വന്ന് അടിഞ്ഞ് മഴവെള്ളം മുഴുവന്‍ റോഡില്‍ കെട്ടി കെടുക്കുന്ന അവസ്ഥ.പാതയോരത്തെ പുല്‍കാടുകള്‍ മുഴുവന്‍ റോഡിലേക്ക് പടര്‍ന്ന് പന്തലിച്ച് നില്‍ക്കുന്നു.ഭക്ഷണം കഴിക്കാനായി വാഹനങ്ങള്‍ നിര്‍ത്തുന്നവര്‍ റോഡില്‍ വാഹനങ്ങള്‍ നിര്‍ത്തേണ്ട അവസ്ഥയിലാണ്.പാതയോരം മുഴുവര്‍ അനധികൃത ഷെഡുകളും മണ്‍കൂനകളും പുല്‍കാടുകളും നിറഞ്ഞതോടെ വിദ്യാര്‍ത്ഥികള്‍ അടക്കമുള്ള നൂറ് കണക്കിന് വഴിയാത്രികര്‍ വഴി നടക്കുന്നത് തിരക്കേറിയ റോഡിലൂടെയാണ്.ഏത് നിമിഷവും വലിയ ദുരന്തങ്ങള്‍ക്ക് ഈ പാത സാക്ഷിയായേക്കുമെന്ന ആശങ്ക നിരവധി തവണ അധികൃതര്‍ക്ക് മുന്നില്‍ ജനങ്ങള്‍ പങ്ക് വെച്ചതാണ്.അധികൃതര്‍ ഇപ്പോഴും മൗനത്തിലാണ്.ഈ മൗനം മറ്റൊരു വലിയ ദുരന്തം കൂടി നടക്കുന്നത് വരെ തുടരും