പൈപ്പിടാന്‍ എടുത്ത കുഴി അടച്ചില്ല’ചങ്ങരംകുളം ടൗണിലെ കുഴി അപകടങ്ങള്‍ക്ക് കാരണമാകുന്നു

ചങ്ങരംകുളം:ജലജീവന്‍ പദ്ധതിയുടെ ഭാഗമായി പൈപ്പിടാന്‍ എടുത്ത കുഴി മാസങ്ങള്‍ കഴിഞ്ഞിട്ടും അടച്ചില്ല.മഴ പെയ്തതോടെ ടൗണില്‍ പലയിടത്തും വലിയ കുഴികള്‍ രൂപപ്പെട്ടത് അപകടങ്ങള്‍ക്ക് കാരണമാകുന്നുണ്ട്.നിരവധി വാഹനങ്ങളാണ് കുഴിയില്‍ വീണ് അപകടത്തില്‍ പെടുന്നത്.യാത്രക്കാര്‍ പലരും തലനാരിഴക്കാണ് വലിയ അപകടങ്ങളില്‍ നിന്ന് ലക്ഷപ്പെടുന്നത്.ചെറവല്ലൂര്‍ റോഡിലും,നരണിപ്പുഴ റോഡിലും എടപ്പാള്‍ കുന്നംകുളം റോഡിലും റോഡുകളില്‍ വലിയ രീതിയിലുള്ള കുഴികളാണ് രൂപപ്പെട്ടത്.ബൈക്കുകള്‍ മറിയുന്നത് നിത്യ സംഭവമാണെന്നും അധികൃതര്‍ കണ്ടില്ലെന്ന് നടിക്കുകയാണെന്നും വ്യാപാരികളും യാത്രക്കാരും പറഞ്ഞു