അനധികൃതമായി വൈദ്യുതി മോഷ്ടിച്ച് ജല സേചനം നടത്തി’ചങ്ങരംകുളംകക്കിടിപ്പുറം സ്വദേശി വിജിലന്‍സിന്റെ പിടിയിൽ

ചങ്ങരംകുളം :കക്കിടിപ്പുറത്ത് അനധികൃതമായി വൈദ്യുതി ഉപയോഗിച്ച് ജല സേചനം നടത്തി വന്നയാളെ മലപ്പുറം വിജിലൻസ് സംഘം പിടികൂടി.കക്കിടിപ്പുറം മൂർക്കത്തേതിൽ സജീവൻ (55) ആണ് പിടിയിലായത്.പാടശേഖരങ്ങളിൽ നെൽകൃഷിക്കായി വെള്ളം പമ്പ് ചെയ്യാനായി സമീപത്തു കൂടെ പോകുന്ന വൈദ്യുതി കമ്പിയിൽ നിന്ന് കമ്പി കുളത്തി വൈദ്യുതി എടുക്കുകയാണ് ഇയാൾ ചെയ്തു വന്നിരുന്നത്.ഇത് ശ്രദ്ധയിൽ പെട്ട നാട്ടുകാർ അധികൃതരെ വിവരം അറിയിക്കുകയായിരുന്നു.ഇതേ തുടർന്ന് ചങ്ങരംകുളം പോലീസ്, ചങ്ങരംകുളം കെ എസ് ഇ ബി എന്നിവരുടെ ഇടപെടലിലൂടെ മലപ്പുറം വിജിലൻസ് സംഘം സ്ഥലം സന്ദർശിക്കുകയും വൈദ്യുതി മോഷണം ബോധ്യപ്പെടുകയും ചെയ്തു. ഇതേ തുടർന്ന് ഇയാളെ കസ്റ്റഡിയിൽ എടുക്കുകയായിരുന്നു. ജലസേചനത്തിന് ഉപയോഗിച്ച പമ്പ്സെറ്റ് പിടിച്ചെടുക്കുകയും പിഴ ചുമത്തുകയും ചെയ്തിട്ടുണ്ട്.കാലങ്ങളായി ഇയാള്‍ അനധികൃതമായി പടശേഖര സമിതി സെക്രട്ടറിയായി പ്രവർത്തിക്കുകയിരുന്നു എന്ന ആരോപണവും ഉണ്ട്.സ്വന്തമായി കൃഷി സ്ഥലം ഇല്ലാത്ത ഇയാൾ സെക്രട്ടറിയായി പ്രവർത്തിക്കുന്നതിലെ അനൗചിത്യം കൃഷി ഓഫിസിൽ അറിയിച്ചതിനെ തുടർന്ന് ഏതാനും ദിവസം മുൻപാണ് പടശേഖര സമിതി ചേർന്ന് ഇയാളെ സെക്രട്ടറി സ്ഥാനത്ത് നിന്ന് നീക്കിയത്.