ചങ്ങരംകുളം ടൗണില്‍ പൈപ്പിടാന്‍ പൊളിച്ച റോഡുകള്‍ കോണ്‍ഗ്രീറ്റ് ചെയ്തില്ല’ഇരുചക്രവാഹനങ്ങള്‍ അപകത്തില്‍ പെടുന്നത് പതിവാകുന്നു’പ്രതിഷേധം ശക്തമാകുന്നു

ചങ്ങരംകുളം:ജലജീവന്‍ പദ്ധതിയുടെ ഭാഗമായി പൊളിച്ച റോഡുകള്‍ പൂര്‍വ്വ സ്ഥിതിയിലാക്കാത്തത് അപകടങ്ങള്‍ക്ക് കാരണമാകുന്നു.ചങ്ങരംകുളം ടൗണിലും ഹൈവേയിലുമായി തിരക്കേറിയ റോഡുകളാണ് പൈപ്പിടാനായ പൊളിച്ചത്.മെറ്റല്‍ മിശ്രിതം ഉപയോഗിച്ച് പൊളിച്ച ഭാഗം മൂടിയെങ്കിലും മാസങ്ങള്‍ കഴിഞ്ഞിട്ടും റോഡ് പൂര്‍വ്വ സ്ഥിതിയിലാക്കാര്‍ ബന്ധപ്പെട്ടവര്‍ക്ക് കഴിഞ്ഞിട്ടില്ല.റോഡ് രണ്ട് തട്ടായി മാറിയതോടെ ബൈക്കുകള്‍ അപകടത്തില്‍ പെടുന്നതും യാത്രക്കാര്‍ക്ക് പരിക്കേല്‍ക്കുന്നതും പതിവായിട്ടുണ്ട്.തിരക്കേറിയ ടൗണിലെ റോഡുകള്‍ എത്രയും വേഗം പൂര്‍വ്വ സ്ഥിതിയിലാക്കണമെന്ന് വ്യാപാരികള്‍ റോഡ് പൊളിക്കുമ്പോള്‍ തന്നെ ആവശ്യപ്പെട്ടിരുന്നു.എന്നാല്‍ മാസങ്ങള്‍ കഴിഞ്ഞിട്ടും പൊളിച്ച റോഡുകള്‍ ടാറിങ് നടത്താത്തതില്‍ വ്യാപാരികളും പ്രതിഷേധത്തിലാണ്