എടപ്പാൾ:നാലുദിവസങ്ങളിലായി കാടഞ്ചേരി ഗവ. ഹയർ സെക്കൻഡറി സ്കൂളിൽ നടക്കുന്ന എടപ്പാൾ ഉപജില്ലാ സ്കൂൾ കലോത്സവത്തിന് വർണാഭമായ തുടക്കമായി.ഉപജില്ലയിലെ 84 സ്കൂളുകളിൽ നിന്നായി 311 ഇനങ്ങളിലായി 5,784 വിദ്യാർഥികളാണ് കലോത്സവത്തിൽ മാറ്റുരയ്ക്കുന്നത്.കലോത്സവം വി.എസ്. ജോയ് എം.എൽ.എ. ഉദ്ഘാടനം ചെയ്തു. കാലടി ഗ്രാമപഞ്ചായത്ത് പ്രസിഡന്റ് മുബ്സിറ സിറാജ് അധ്യക്ഷത വഹിച്ചു. പൊന്നാനി ബ്ലോക്ക് പഞ്ചായത്ത് പ്രസിഡന്റ് അഡ്വ. ആർ.ഗായത്രി,കാലടി പഞ്ചായത്തംഗം നൂർജഹാൻ അസ്ലം, പ്രധാനാധ്യാപകൻ പ്രമോദ് അവുണ്ടിത്തറയിൽ, എ.ഇ.ഒ. ആശ ജോസ്, പി.ടി.എ. പ്രസിഡന്റ് പ്രകാശൻ കാലടി, എസ്.എം.സി. ചെയർമാൻ കെ.കെ. ജിഷാദ്, പബ്ലിസിറ്റി ചെയർമാൻ വി.വി. നബീൽ, കൺവീനർ എം.കെ. നബീൽ, പി. മുഹമ്മദ് ജലീൽ, എച്ച്.എം. ഫോറം കൺവീനർ സി. ഹരിദാസൻ എന്നിവർ സംസാരിച്ചു.ജനപ്രതിനിധികളും രാഷ്ട്രീയ, സാമൂഹിക, സാംസ്കാരിക രംഗങ്ങളിലെ പ്രമുഖരും ചടങ്ങിൽ പങ്കെടുത്തു.പ്രിൻസിപ്പൽ എം. ഷൈനി സ്വാഗതവും സ്റ്റാഫ് സെക്രട്ടറി ബി. സുലൈഖ നന്ദിയും പറഞ്ഞു.







