ചങ്ങരംകുളം:ശിശുദിനമായ നവംബർ 14-ന് അതിഥിയിൽ ശിശുദിന കാർണിവൽ സംഘടിപ്പിക്കും.വൈകിട്ട് 2.45 മുതൽ 5 മണി വരെയാണ് കാർണിവൽ.
ന്യൂറോഡൈവർജന്റ് കുട്ടികൾ പുതിയ സ്ഥലങ്ങളിലും ബഹളവും ആൾക്കൂട്ടവുമുള്ള സാഹചര്യങ്ങളിലും പലപ്പോഴും ഭയവും അസ്വസ്ഥതയും അനുഭവിക്കാറുണ്ട്. അത്തരം സാഹചര്യങ്ങളുമായി പൊരുത്തപ്പെടാനും സമൂഹവുമായി കൂടുതൽ അടുത്തറിഞ്ഞ് ഇടപഴകാനും കുട്ടികളെ പ്രാപ്തരാക്കുക എന്ന ലക്ഷ്യത്തോടെയാണ് കാർണിവൽ ഒരുക്കുന്നത്.കുട്ടികളുടെ കലാപരിപാടികളാണ് കാർണിവലിന്റെ പ്രധാന ആകർഷണം.കുട്ടികളുടെ തന്നെ നേതൃത്വത്തിൽ ഫുഡ് സ്റ്റാളുകളും പ്രവർത്തിക്കും.
അതിഥിയിലെ ഡോക്ടർമാരുടെ നിർദ്ദേശപ്രകാരം കോട്ടെക്ക ഹോം ബേക്കേഴ്സുമായി ചേർന്ന് ന്യൂറോഡൈവർജന്റ് കുട്ടികളുടെ ഡയറ്റിൽ ഉൾപ്പെടുത്താവുന്ന ഭക്ഷണസാധനങ്ങളുമായി പ്രത്യേക സ്റ്റാളും ഒരുക്കുന്നുണ്ട്.എല്ലാ കുട്ടികളെയും രക്ഷിതാക്കളെയും കാർണിവലിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.
