പൊന്നാനി : ശാസ്ത്ര വളർച്ചക്കും ശാസ്ത്ര ബോധത്തിനും പുതിയ ദിശാബോധം പകരാൻ
കേരള ശാസ്ത്ര സാഹിത്യപരിഷത്ത് 64 -ാം സംസ്ഥാന സമ്മേളനം 2027 മെയ് എഴുമുതൽ ഒമ്പതു വരെ പൊന്നാനി എംഇഎസ് കോളേജിൽ നടക്കും.
സമ്മേളനം വൻ വിജയമാക്കുന്നതിനായി വിപുലമായ സംഘാടക സമിതിക്ക് രൂപം നൽകി. പൊന്നാനി എവി ഹയർ സെക്കഡറി സ്കൂളിൽ നടന്ന യോഗം
മുൻ മന്ത്രി ഡോ. ടി എം തോമസ് ഐസക്ക് ഉദ്ഘാടനം ചെയ്തു. ശാസ്ത്ര നേട്ടങ്ങളെയും ശാസ്ത്ര സാങ്കേതിക വിദ്യകളെയും പരമാവധി ഉപയോഗപ്പെടുത്തുകയും എന്നാൽ ശാസ്ത്ര ബോധത്തെ അകറ്റി നിർത്തുകയുമാണ് ഭരണകൂടം ചെയ്യുന്നതെന്ന് തോമസ് ഐസക് പറഞ്ഞു. ശാസ്ത്രബോധം മനുഷ്യനിൽ കടന്ന് കൂടിയാൽ അന്ധവിശ്വസവും വർഗ്ഗീയതയും അകന്ന് പോവും അത് കൊണ്ടാണ് ശാസ്ത്രബോധത്തെ അകറ്റി നിർത്താൻ കേന്ദ്ര ഭരണകൂടം ശ്രമിക്കുന്നത്. ആദ്യ വിമാനം പുഷ്പകവിമാനമാണന്ന് പ്രചരിപ്പിക്കുന്നത് ഇതിൻ്റെ ഭാഗമാണ്.
ശസ്ത്രവും ശാസ്ത്രപുരോഗതിയുമാണ് മനുഷ്യനെ നേർവഴിയിലേക്ക് നയിക്കേണ്ടതെന്നും അദ്ദേഹം പറഞ്ഞു.
പരിഷത്ത് സംസ്ഥാന പ്രസിഡൻ്റ് സി രാമകൃഷ്ണൻ അധ്യക്ഷനായി. എം എസ് മോഹനൻ ശാസ്ത്ര ഗാനം ആലപിച്ചു.
സമ്മേളനത്തിൻ്റെ ഭാഗമായി ഇറക്കിയ ശാസ്ത്രകലണ്ടർ തോമസ് ഐസക്ക് പൊന്നാനി നഗരസഭ ചെയർപേഴ്സൺ സി വി സുധക്ക് നൽകി ഉദ്ഘാടനം ചെയ്തു.
സംസ്ഥാന കമ്മിറ്റി അംഗങ്ങളായ ഇ വിലാസിനി, പി രമേഷ് കുമാർ,
ജില്ലാ പ്രസിഡൻ്റ് വി ആർ പ്രമോദ്, ജില്ലാ സെക്രട്ടറി രാജലക്ഷ്മി, പ്രൊഫ. എം എം നാരായണൻ, പി കെ ഖലീമുദ്ധീൻ, ഇ സിന്ധു, പി ജ്യോതി ഭാസ്, സി പി മുഹമ്മദ് കുഞ്ഞി എന്നിവർ സംസാരിച്ചു. സംസ്ഥാന സെക്രട്ടറി വി മനോജ് കുമാർ സ്വാഗതവും
ഡോ. വി കെ ബ്രിജേഷ് നന്ദിയും പറഞ്ഞു.
ഭാരവാഹികൾ :
പ്രൊഫ.എം എം നാരായണൻ (ചെയർമാൻ),
ഡോ. വി കെ ബ്രിജേഷ് (ജനറൽ കൺവീനർ),
അഡ്വ. കെ വിജയൻ (ട്രഷറർ)
സംസ്ഥാന സമ്മേളനത്തിൻ്റെ പ്രചാരണാർഥം ‘ശാസ്ത്ര ബോധം, മതനിരപേക്ഷത, -നല്ല നാളേക്ക്’ എന്ന ടാഗ് ലൈനുമായി ബന്ധപ്പെടുത്തി ജില്ലയിൽ വിവിധ വിഷയങ്ങളിൽ പരിപാടികൾ നടത്തും.
മലപ്പുറം മണ്ണും മനസ്സും, കാലാവസ്ഥാ മാറ്റത്തെ അറി യുക, ശാസ്ത്രാവബോധം ദേശീയ സെമിനാർ, സയൻസ്
ഫെസ്‌റ്റ് 2.0, കുടുംബസംഗമങ്ങൾ, ശാസ്ത്ര സാംസ്കാരികോത്സവങ്ങൾ, ശാസ്ത്രാടനം, ജ്യോതി ശാസ്ത്ര മാമാങ്കവും ശാസ്ത്ര വണ്ടിയും, സ്വാശ്രയ ഭവനം ഹരിത ഭവനം, ഹൃദയ ശ്വാസ കോശ പുനരുജ്ജീവന പരിശീലനം, മേഖലാതല സെമിനാറുകൾ, ശാസ്ത്ര പുസ്തകങ്ങൾ പ്രചരിപ്പിക്കൽ തുടങ്ങിയ പരിപാടികൾ സംഘടിപ്പിക്കും.
