ചങ്ങരംകുളം : വർഷങ്ങളായി അവഗണിക്കപ്പെട്ടു കൊണ്ടിരിക്കുന്ന കേരളത്തിലെ ആയിരക്കണക്കിന് വരുന്ന പ്രാദേശിക മാധ്യമ പ്രവർത്തകരുടെ ക്ഷേമത്തിന് സർക്കാർ പ്രത്യേക പരിഗണന നൽകണമെന്ന് കേരള ജേർണലിസ്റ്റ് യൂണിയൻ (കെ ജെ യു ) ചങ്ങരംകുളം മേഖല പ്രഥമ കമ്മിറ്റി യോഗം പ്രമേയത്തിലൂടെ ആവശ്യപ്പെട്ടു.
ചങ്ങരംകുളത്ത് നടന്ന കെ ജെ യു മേഖല കമ്മിറ്റി രൂപീകരണ യോഗം ജില്ലാ സെക്രട്ടറി കാർത്തിക് കൃഷ്ണ ഉദ്ഘാടനം ചെയ്തു. മുതിർന്ന മാധ്യമപ്രവർത്തകൻ റസാഖ് അരിക്കാട് അധ്യക്ഷത വഹിച്ചു.
പുതിയതായി രൂപീകരിച്ച ചങ്ങരംകുളം മേഖല കമ്മിറ്റി ഭാരവാഹികളെ തിരഞ്ഞെടുത്തു.
വിപി അബ്ദുൽ ഖാദർ ( പ്രസിഡന്റ്‌ ) പ്രസന്നൻ കല്ലൂർമ ( വൈസ് പ്രസിഡന്റ്‌ ) സുധീർ പള്ളിക്കര ( സെക്രട്ടറി ) ഫാരിസ് പാവിട്ടപ്പുറം ( ജോയിന്റ് സെക്രട്ടറി ) റസാഖ് അരിക്കാട് ( ട്രഷറർ )റാഫി തങ്ങൾ, റാഷിദ്‌ നെച്ചിക്കൽ (എക്സിക്യൂട്ടീവ് മെമ്പർമാർ)
