എടപ്പാള്‍:ക്വാർട്ടേഴ്സുകളിലേക്ക് ഡീസല്‍ ബോംബ് എറിഞ്ഞ് ഭീതിപരത്തിയ സംഭവത്തിലെ പ്രതി പിടിയിൽ.മറവഞ്ചേരി പഴയേടത്ത് അച്യുതന്റെ മകൻ 26 വയസുള്ള നിഖിലിനെയാണ് ചങ്ങരംകുളം എസ്ഐ ജിതിന്‍ വാസിന്റെ നേതൃത്വത്തിലുള്ള അന്വേഷണസംഘം അറസ്റ്റ് ചെയ്തത്.
കഴിഞ്ഞ തിങ്കളാഴ്ച രാത്രി 12 മണിയോടെ ശുകപുരം ദക്ഷണാ മൂർത്തി കേത്രത്തിനു സമീപം ഉള്ള കോർട്ടേഴ്സിലാണ് സംഭവം.സമീപത്ത് വാടക്ക് താമസിച്ചിരുന്ന നിഖില്‍ ബിയർ ബോട്ടിലുകളിൽ ഡീസല്‍ നിറച്ചു കത്തിച്ച് ക്വോര്‍ട്ടേഴ്സിലേക്ക് എറിയുകയായിരുന്നു.
സംഭവത്തിന് ശേഷം ഒളിവില്‍ പോയ പ്രതിയെ വട്ടംകുളത്തെ ബന്ധു വീട്ടിൽ നിന്നാണ് അന്വേഷണ സംഘം പിടികൂടിയത്.പ്രതി നിഖിലിന്റെ കുടുംബവും തൊട്ടടുത്തുള്ള ക്വാർട്ടേഴ്സിൽ ആണ് രണ്ട് വർഷമായി താമസിച്ചു വരുന്നത്. നിഖിലും അച്ഛൻ അച്യുതനും സ്ഥിരമായി മദ്യപിച്ച് വീട്ടിൽ ബഹളം ഉണ്ടാക്കുന്നത് അയൽവാസികൾ ചോദ്യം ചെയ്തതിൽ ഉള്ള വിരോധമാണ് സംഭവത്തിന് കാരണമെന്നാണ്പ്രതി പോലീസിന് നല്‍കിയ മൊഴി.നിഖിലിന്റെ അമ്മ ബന്ധു വീട്ടിലേക്ക് പോയ ദിവസം അച്ഛൻ അച്യുതനും നിഖിലും മാത്രം ആയിരുന്നു വീട്ടിൽ ഉണ്ടായിരുന്നത്. രണ്ട് ബോട്ടിലുകളിൽ ഇന്ധനം നിറച്ച ശേഷം കത്തിച്ച് അയൽ വീടുകളിലേക്ക് എറിയുകയായിരുന്നു.തീ ഉയരുന്നത് കണ്ട് വീട്ടുകാർ ബഹളം വെച്ചതോടെ നാട്ടുകാർ ഓടിക്കൂടി ചങ്ങരംകുളം പോലീസിനെ വിവരം അറിയിക്കുകയായിരുന്നു.അടുത്തടുത്തായി നിൽക്കുന്ന രണ്ടു വീടുകളുടെ ഉമ്മറത്തേക്ക് ആണ് ബോട്ടിലുകൾ കത്തിച്ചു എറിഞ്ഞത്.പിടിയിലായ പ്രതിയെ സംഭവ സ്ഥലത്ത് എത്തിച്ചു തെളിവെടുപ്പ് നടത്തി.ചങ്ങരംകുളം എസ്ഐ ജിതിൻ വാസ് എ എസ്ഐ ബാബുരാജ്, സിപിഓ കിരൺ റിനീഷ് എന്നിവരടങ്ങുന്ന അന്വേഷണ സംഘമാണ് പ്രതിയെ അറസ്റ്റ് ചെയ്തത്.അറസ്റ്റിലായ പ്രതിയെ കോടതിയില്‍ ഹാജറാക്കി റിമാന്റ് ചെയ്തത്
