പാവിട്ടപ്പുറം അസ്സബാഹ് റസിഡൻഷ്യൽ ഹയർ സെക്കൻഡറി സ്കൂളിൽ മെഗാ വാക്കത്തോണും തൂഫാൻ കമാൻഡോ പ്രഖ്യാപനവും നടത്തി

ചങ്ങരംകുളം :പാവിട്ടപ്പുറം അസ്സബാഹ് റസിഡൻഷ്യൽ ഹയർ സെക്കൻഡറി സ്കൂളിൽ എൻ.എസ്.എസ്. ദിനാചരണത്തിന്റെ ഭാഗമായി പതാക ഉയർത്തൽ, പ്രത്യേക അസംബ്ലി,ലഹരിവിരുദ്ധ പ്രതിജ്ഞ, ചിത്രപ്രകാശനം എന്നിവ നടന്നു.എൻ.എസ്.എസ്. ലീഡർ നിയ കെ. എം. പ്രതിജ്ഞ ചൊല്ലിക്കൊടുത്തു.വോളണ്ടിയർ ഷിഫ ഫാത്തിമ തയ്യാറാക്കിയ ലഹരിവിരുദ്ധ ചിത്രവും പ്രകാശനം ചെയ്തു.ലഹരിവിരുദ്ധ ബോധവൽക്കരണത്തിന്റെ ഭാഗമായി സംഘടിപ്പിച്ച “മെഗാ വാക്കത്തോൺ –തൂഫാൻ കമാൻഡോ”പരിപാടി ചങ്ങരംകുളം പോലീസ് ഓഫീസർ മണിരാജ് ഉദ്ഘാടനം ചെയ്തു.പ്രിൻസിപ്പൽ പി.വി വില്ലിങ്ടൺ അധ്യക്ഷത വഹിച്ചു.എൻ.എസ്.എസ്.കോ-ഓർഡിനേറ്റർ എസ് സജ്ന സ്വാഗതം പറഞ്ഞു.വോളണ്ടിയർമാരിൽ ഒരാൾക്ക് തൊപ്പി അണിയിച്ച് മണിരാജ് വോളണ്ടിയർമാരെ “തൂഫാൻ കമാൻഡോസ്”ആയി പ്രഖ്യാപിക്കുകയും വാക്കത്തോണിന് ഫ്ലാഗ് ഓഫ് ചെയ്യുകയും ചെയ്തു. തുടർന്ന് ലഹരിവിരുദ്ധ റാലി,മൈം,നൃത്താവിഷ്കാരം എന്നിവ നടന്നു.വിദ്യാർഥികളും നാട്ടുകാരും പരിപാടിയിൽ പങ്കെടുത്തു.അധ്യാപകരായ കെ പ്രിയ,കെ സുവിത,എ തൻസീർ,കെഎ റംല,ടിഎം ബഷീർ,അഹമ്മദ് പറയങ്ങാട്ടിൽ,ഷാഹിദ,സജ്ന ഇബ്രാഹിം,ക്രിസ്റ്റീന ജോർജ്, ബിപി ജംഷിയ എന്നിവർ പങ്കെടുത്തു.