ഗുരുവായൂർ ഗീതാഗോവിന്ദം ട്രസ്റ്റ് നൽകുന്ന ഈ വർഷത്തെ വാദ്യകലാ കർമ്മശ്രീ പുരസ്കാരം, പ്രമുഖ വാദ്യകലാകാരൻ സന്തോഷ് ആലങ്കോടിനു സമ്മാനിച്ചു.

ഗുരുവായൂർ ഗീതാഗോവിന്ദം ട്രസ്റ്റ് നൽകുന്ന ഈ വർഷത്തെ വാദ്യകലാ കർമ്മശ്രീ പുരസ്കാരം, പ്രമുഖ വാദ്യകലാകാരൻ സന്തോഷ് ആലങ്കോടിനു സമ്മാനിച്ചു.ഗുരുവായൂർ മമ്മിയൂർ ക്ഷേത്രത്തിലെ ത്രയംബകം ഹാളിലാണ് പുരസ്കാര ദാന ചടങ്ങ് നടന്നത്.അഷ്ടപദി ആചാര്യൻ ജനാർദ്ദനൻ നെടുങ്ങാടി ആശാന്റെ ഏഴാമത് അനുസ്മരണ ദിനത്തോടനുബന്ധിച്ചാണ് ഈ ചടങ്ങ് സംഘടിപ്പിച്ചത്.‘വാദ്യകലാ കർമ്മശ്രീ പുരസ്കാരം’ സോപാനം സ്കൂൾ ഓഫ് പഞ്ചവാദ്യം സ്ഥാപക ഡയറക്ടർ ശ്രീ സന്തോഷ് ആലങ്കോടിനും,’സോപാനശ്രീ പുരസ്കാരം’,സോപാനം വാദ്യകലാസംഘം ബഹറിന്റെ സ്ഥാപകൻ സന്തോഷ് കൈലാസിനുമാണ് നൽകിയത്. പത്മശ്രീ മട്ടന്നൂർ ശങ്കരൻകുട്ടി മാരാർ, സ്വാമി സന്മയാനന്ദ സരസ്വതി,അമ്പലപ്പുഴ വിജയകുമാർ,തൃക്കാമ്പുറം ജയൻ മാരാർ, തുടങ്ങിയവരുടെ വിശിഷ്ട സാന്നിധ്യത്തിലാണ് പുരസ്കാരങ്ങൾ നൽകിയത്.രാവിലെ 10:00 മണിക്ക് അഷ്ടപദിയോടെ പരിപാടികൾ ആരംഭിച്ചു. തുടർന്ന് 11:00 മണിക്ക് അനുസ്മരണ സമ്മേളനവും പുരസ്കാര സമർപ്പണവും നടന്നു.ശോഭ ഹരി നാരായണൻ,ജി.കെ ഹരിഹരകൃഷ്ണൻ,കെ.പി ഉദയൻ, അഡ്വ. രവി ചങ്കത്ത്,സുനിത സുകുമാരൻ, ആർ. നാരായണൻ,കെ.പി കരുണാകരൻ, പി. ഉണ്ണികൃഷ്ണൻ,ബാലൻ വാരണാട്ട് തുടങ്ങിയവരും ചടങ്ങിൽ പങ്കെടുത്തു.