പൊന്നാനി:സാമൂഹ്യ ക്ഷേമപെൻഷൻ പദ്ധതി അട്ടിമറിക്കാനുള്ള യുഡിഎഫ് സർക്കാറിൻ്റെ നിലപാടിൽ പ്രതിഷേധിച്ച് കെഎസ്കെടിയു പൊന്നാനി മുനിസിപ്പൽ കമ്മിറ്റിയുടെ നേതൃത്വത്തിൽ പെൻഷൻ ഗുണഭോക്താക്കൾ ട്രഷറി ഓഫീസിലേക്ക് പ്രതിഷേധ മാർച്ച് സംഘടിപ്പിച്ചു.കുറ്റിക്കാട് നിന്ന് ആരംഭിച്ച പ്രകടനം ചന്തപ്പടി ട്രഷറി ഓഫീസിന് മുന്നിൽ സമാപിച്ചു തുടർന്ന് നടന്ന പൊതുയോഗം സിപിഐഎം ജില്ലാ സെക്രട്ടറിയേറ്റ് അംഗം അഡ്വ.പി കെ ഖലീമുദ്ധീൻ ഉദ്ഘാടനം ചെയ്തു. കെ ഗോപിദാസ് അധ്യക്ഷനായി അഡ്വ. എം കെ സുരേഷ് ബാബു, പി ഇന്ദിര പി ടി സുരേഷ്, കെ പി വത്സല, ബിന്ദു സിദ്ധാർത്ഥൻ എന്നിവർ സംസാരിച്ചു.
സാമൂഹ്യ ക്ഷേമ പെൻഷൻ വീടുകളിൽ നേരിട്ടെത്തിക്കുക എന്ന ആവശ്യം ഉന്നയിച്ച് സാമൂഹ്യ ക്ഷേമപെൻഷൻ പദ്ധതി അട്ടിമറിക്കാനുള്ള യുഡിഎഫ് സർക്കാറിൻ്റെ നിലപാടിൽ പ്രതിഷേധിച്ച് കെഎസ്കെടിയു പെരുമ്പടപ്പ് പഞ്ചായത്ത് കമ്മിറ്റിയുടെ നേതൃത്വത്തിൽ പെൻഷൻ ഗുണഭോക്താക്കൾ പെരുമ്പടപ്പ് വില്ലേജ് ഓഫീസിലേക്ക് പ്രതിഷേധ മാർച്ച് സംഘടിപ്പിച്ചു.സിപിഐഎം പൊന്നാനി ഏരിയ സെക്രട്ടറി സി പി മുഹമ്മദ് കുഞ്ഞി ഉദ്ഘാടനം ചെയ്തു. വി ബി നൂറുദ്ധീൻ അധ്യക്ഷനായി അഡ്വ. എം കെ സെക്കീർ സംസാരിച്ചു. എ കെ നവാസ് സ്വാഗതവും കെ പ്രമോദ് നന്ദിയും പറഞ്ഞു.
മാറഞ്ചേരി പഞ്ചായത്ത് കമ്മിറ്റിയുടെ നേതൃത്വത്തിൽ
മാറഞ്ചേരി സെൻററിൽ നിന്നാരംഭിച്ച പ്രകടനം വില്ലേജ് ഓഫീസിന് മുന്നിൽ സമാപിച്ചു. തുടർന്ന നടന്ന പ്രതിഷേധയോഗം സിപിഐ എം ജില്ലാ കമ്മിറ്റി അംഗം അഡ്വ. ഇ സിന്ധു ഉദ്ഘാടനം ചെയ്തു. പി സി മൊയ്തീൻ അധ്യക്ഷനായി. എ പി വാസു, നൗഷാദ്പത്തായി എന്നിവർ സംസാരിച്ചു. ഇ ബാലകൃഷ്ണൻ സ്വാഗതവും ധനശേഖരൻ നന്ദിയും പറഞ്ഞു.
വെളിയങ്കോട് പഞ്ചായത്ത് കമ്മിറ്റിയുടെ നേതൃത്വത്തിൽ വില്ലേജ് ഓഫീസിന് മുന്നിൽ നടന്ന പ്രതിഷേധ മാർച്ച് സിപിഐ എം പൊന്നാനി ഏരിയ കമ്മിറ്റി അംഗം എം എ ഹമീദ് ഉദ്ഘാടനം ചെയ്തു. പി ശശി അധ്യക്ഷനായി. എൻ കെ ഹുസൈൻ,പി എം ആറ്റുണ്ണിതങ്ങൾ,പി അജയൻ എന്നിവർ സംസാരിച്ചു.എം ഉണ്ണികൃഷ്ണൻ സ്വാഗതവും
കെ കുമാരൻ നന്ദിയും പറഞ്ഞു.
