90-ാം വയസ്സിലും കാർഷിക മാതൃക;കർഷകശ്രീ വിപി പനങ്ങാടനെ എൻഎസ്എസ് വളണ്ടിയർമാർ ആദരിച്ചു

ചങ്ങരംകുളം:നന്നംമുക്ക് ഗ്രാമപഞ്ചായത്തിലെ കർഷകശ്രീ പുരസ്കാരം നേടിയ 90കാരനായ മുതിർന്ന കർഷകൻ വിപി. പനങ്ങാടനെ മൂക്കുതല പി.സി.എൻ.ജി.എച്ച്.എസ്.എസ്.എൻ.എസ്.എസ്.വളണ്ടിയർമാർ ആദരിച്ചു.ദീർഘകാലമായി കാർഷികരംഗത്ത് സജീവമായി പ്രവർത്തിക്കുന്ന വി.പി. പനങ്ങാടന്റെ കൃഷിയോടുള്ള സമർപ്പണവും അനുഭവസമ്പത്തും പുതുതലമുറയ്ക്ക് വലിയ മാതൃകയാണെന്ന് സ്കൂൾ പ്രിൻസിപ്പൽ മണികണ്ഠൻ പറഞ്ഞു.എൻ.എസ്.എസ്. യൂണിറ്റിന്റെ നേതൃത്വത്തിൽ സംഘടിപ്പിച്ച ചടങ്ങിൽ വിദ്യാർത്ഥികൾ അദ്ദേഹവുമായി കാർഷികാനുഭവങ്ങൾ പങ്കുവെച്ചു.എൻ.എസ്.എസ്. ലീഡർമാരായ അൻസിലും ലെനയും ചേർന്ന് വിപി.പനങ്ങാടനെ പൊന്നാടയണിയിച്ചു.പ്രോഗ്രാം ഓഫീസർ സജിത ഉപഹാരം നൽകി.അധ്യാപകരായ ജെസീന,ഉഷ,ബീന എന്നിവരും എൻ.എസ്.എസ്.വളണ്ടിയർമാരും ചടങ്ങിൽ പങ്കെടുത്തു