എടപ്പാൾ ഉപജില്ലാ ഗെയിംസ് മത്സരങ്ങൾക്ക് തുടക്കമായി

എടപ്പാൾ: 2026-27 അധ്യയന വർഷത്തെ എടപ്പാൾ ഉപജില്ലാ ഗെയിംസ് മത്സരങ്ങൾക്ക് ഡി.എച്ച്.ഒ. ഹയർ സെക്കൻഡറി സ്കൂൾ, പൂക്കരത്തറയിൽ നടന്ന ചെസ് മത്സരത്തോടെ തുടക്കമായി. സ്കൂൾ ഹെഡ്മാസ്റ്റർ പി. അബ്ദുൽ സലാം ഉദ്ഘാടനം നിർവഹിച്ചു.സബ് ജൂനിയർ, ജൂനിയർ, സീനിയർ വിഭാഗങ്ങളിലായി എടപ്പാൾ ഉപജില്ലയിലെ വിവിധ വിദ്യാലയങ്ങളിൽ നിന്നുള്ള 80 വിദ്യാർഥികളാണ് മത്സരത്തിൽ പങ്കെടുക്കുന്നത്.സബ്ജില്ലാ സെക്രട്ടറി ശ്രീജിത്ത് കെ. ബി. സ്വാഗതം പറഞ്ഞു.രഞ്ജിത്ത് പി. വി. അധ്യക്ഷത വഹിച്ചു. കായിക അധ്യാപകരായ സാബു ടി. എസ്., ഷെരീക്ക് കെ. എന്നിവർ ആശംസകൾ അർപ്പിച്ചു.ഉപജില്ലാ ഗെയിംസ് മത്സരങ്ങളുടെ ഭാഗമായി വിവിധ ഇനങ്ങളിലെ മത്സരങ്ങൾ തുടർന്നുള്ള ദിവസങ്ങളിൽ വിവിധ വേദികളിലായി നടക്കും.