ചാലിശ്ശേരി: പെരുമണ്ണൂർ വട്ടത്താണി സർക്കാർ ആരോഗ്യ കേന്ദ്രത്തിലെ ജീവനക്കാരിക്ക് പാമ്പുകടിയേറ്റ സംഭവത്തിൽ ചാലിശ്ശേരി ഗ്രാമപഞ്ചായത്ത് ഭരണസമിതിയുടെ അനാസ്ഥയ്ക്കെതിരെ പ്രതിഷേധിച്ച് DYFI ചാലിശ്ശേരി പഞ്ചായത്ത് കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിലേക്ക് പ്രതിഷേധ മാർച്ച് സംഘടിപ്പിച്ചു.പ്രതിഷേധ സമരം സി.പി.എം തൃത്താല ഏരിയ കമ്മിറ്റി അംഗം ടി.എം. കുഞ്ഞുകുട്ടൻ ഉദ്ഘാടനം ചെയ്തു.
ആരോഗ്യ കേന്ദ്രത്തിലെ സുരക്ഷാ വീഴ്ചയിലും പരിസര ശുചീകരണത്തിലെ അനാസ്ഥയിലും പഞ്ചായത്ത് ഭരണസമിതി ഗുരുതരമായ വീഴ്ച വരുത്തിയതായി അദ്ദേഹം ആരോപിച്ചു.ഡി.വൈ.എഫ്.ഐ ചാലിശ്ശേരി മേഖല പ്രസിഡന്റ് നിമേഷ് കെ.സി. ചടങ്ങിൽ അധ്യക്ഷത വഹിച്ചു. ഡി.വൈ.എഫ്.ഐ തൃത്താല ബ്ലോക്ക് സെക്രട്ടറി കെ.എ. പ്രയാൺ സമരത്തെ അഭിവാദ്യം ചെയ്ത് സംസാരിച്ചു. ഡി.വൈ.എഫ്.ഐ ചാലിശ്ശേരി ടൗൺ മേഖല സെക്രട്ടറി ടി.കെ. സുധീഷ് കുമാർ സ്വാഗതവും, ടൗൺ മേഖല പ്രസിഡന്റ് പ്രവീൺ നന്ദിയും രേഖപ്പെടുത്തി.
