ചങ്ങരംകുളം:രാത്രിയോടെ ചങ്ങരംകുളം മേഖലയില് ഉണ്ടായ കാറ്റില് 100കണക്കിന് മരങ്ങളാണ് കടപുഴകിയത്.ചിയ്യാനൂര് ഭാഗത്താണ് കൂടുതല് നാശം ഉണ്ടായത്.നിരവധി തെങ്ങുകളും വൈദ്യുതി പോസ്റ്റുകളും തകര്ന്നിട്ടുണ്ട്.പ്രദേശത്ത് വൈദ്യുതി വിതരണവും രാത്രി മുതല് തടസപ്പെട്ടിരിക്കുകയാണ്.
മേലെപുരക്കല് വിജയ്കൃഷ്ണന്റെ വീടിന് മുകളില് മരം വീണ് വീടിന് നാശം സംഭവിച്ചിട്ടുണ്ട്.മടത്തില് വളപ്പില് അസിയുടെ വീടിന് സമീപത്തെ തേക്ക് റോഡിലേക്ക് വീണ് റോഡില് ഗതാഗതം മുടങ്ങി.കല്ലേപ്ര ബാലകൃഷ്ണന്,മേലെപുരക്കല് ഭാസ്കരന്,മഠത്തില് വളപ്പില് യൂസു,മേലേപുരക്കല് ഷിബില് എന്നിവരുടെ വീട്ടിലെയും മരങ്ങള് വീണു.ഇവരുടെ വീടിന് മുന്നില് വൈദ്യുതിപോസ്റ്റും മരങ്ങളും പൊട്ടിവീണ് ഗതാഗതം പൂര്ണ്ണമായും മുടങ്ങിയിട്ടുണ്ട്.
