ചെന്നൈ: ഓണക്കാലത്ത് കേരളത്തിലേക്കുള്ള യാത്രക്കാരുടെ തിരക്ക് കണക്കിലെടുത്ത് പുതിയ ട്രെയിൻ സർവീസുകളുമായി ദക്ഷിണ റെയിൽവെ. മൂന്ന് റൂട്ടുകളിലേക്ക് സ്പെഷ്യൽ സർവീസ് നടത്തുമെന്ന് പ്രഖ്യാപിച്ചത്. ഈ പ്രതിവാര സ്പെഷ്യൽ സർവീസുകളുടെ അഡ്വാൻസ് റിസർവേഷൻ നാളെ മുതലാണ് ആരംഭിക്കുന്നത്. മംഗലാപുരം – ചെന്നൈ എഗ്മൂർ, ചെന്നൈ സെൻട്രൽ – കൊല്ലം, തിരുവനന്തപുരം സെൻട്രൽ – താംബരം എന്നീ റൂട്ടുകളിലാണ് സ്പെഷ്യൽ ടെയിൻ അനുവദിച്ചിരിക്കുന്നത്.
മംഗലാപുരം സെൻട്രൽ-ചെന്നൈ എഗ്മൂർ മംഗലാപുരം സെൻട്രൽ പ്രതിവാര സ്പെഷ്യൽ (ട്രെയിൻ നമ്പർ: 6126/06125)
ട്രെയിൻ നമ്പർ 06126: ജൂലായ് 13, 20, 27, ഓഗസ്റ്റ് 3, 10, 17, 24, 31 (തിങ്കളാഴ്ചകളിൽ) തീയതികളിൽ വൈകുന്നേരം നാലുമണിക്ക് മംഗലാപുരം സെൻട്രലിൽനിന്ന് പുറപ്പെട്ട് പിറ്റേന്ന് രാവിലെ 10.55 ന് ചെന്നൈ എഗ്മൂറിൽ എത്തിച്ചേരും (ആകെ 8 സർവീസുകൾ).
ട്രെയിൻ നമ്പർ 06125: ജൂലായ് 14, 21, 28, ഓഗസ്റ്റ് 04, 11, 18, 25 സെപ്തംബർ ഒന്ന് (ചൊവ്വാഴ്ചകളിൽ) തീയതികളിൽ ഉച്ചയ്ക്ക് രണ്ട് മണിക്ക് ചെന്നൈ എഗ്മൂറിൽനിന്ന് പുറപ്പെട്ട് പിറ്റേന്ന് രാവിലെ 08.40 ന് മംഗലാപുരം സെൻട്രലിൽ എത്തിച്ചേരും (ആകെ 8 സർവീസുകൾ).
ഡോ. എം.ജി.ആർ ചെന്നൈ സെൻട്രൽ – കൊല്ലം – ഡോ. എം.ജി.ആർ ചെന്നൈ സെൻട്രൽ പ്രതിവാര എക്സ്പ്രസ് സ്പെഷ്യൽ (ട്രെയിൻ നമ്പർ: 06119/06120)
ട്രെയിൻ നമ്പർ 06119: ഓഗസ്റ്റ് 12, 19, 26, സെപ്തംബർ രണ്ട് (ബുധനാഴ്ചകളിൽ) തീയതികളിൽ ഉച്ചയ്ക്ക് 3.10 ന് ചെന്നൈ സെൻട്രലിൽനിന്ന് പുറപ്പെട്ട് പിറ്റേന്ന് രാവിലെ 07.20 ന് കൊല്ലത്ത് എത്തിച്ചേരും (ആകെ 4 സർവീസുകൾ).
ട്രെയിൻ നമ്പർ 06120: ഓഗസ്റ്റ് 13, 20, 27, സെപ്തംബർ 3 (വ്യാഴാഴ്ചകളിൽ) തീയതികളിൽ രാവിലെ 10.40 ന് കൊല്ലത്തുനിന്ന് പുറപ്പെട്ട് പിറ്റേന്ന് പുലർച്ചെ 3.30ന് ചെന്നൈ സെൻട്രലിൽ എത്തിച്ചേരും (ആകെ 4 സർവീസുകൾ).
തിരുവനന്തപുരം സെൻട്രൽ – താംബരം – തിരുവനന്തപുരം സെൻട്രൽ പ്രതിവാര എക്സ്പ്രസ് സ്പെഷ്യൽ (ട്രെയിൻ നമ്പർ: 06110/06109)
ട്രെയിൻ നമ്പർ 06110: ഓഗസ്റ്റ് 12, 19, 26, സെപ്തംബർ 2 (ബുധനാഴ്ചകളിൽ) തീയതികളിൽ ഉച്ചയ്ക്ക് 3.45 ന് തിരുവനന്തപുരം സെൻട്രലിൽനിന്ന് പുറപ്പെട്ട് പിറ്റേന്ന് രാവിലെ 10.00 മണിക്ക് താംബരത്ത് എത്തിച്ചേരും (ആകെ 4 സർവീസുകൾ).
ട്രെയിൻ നമ്പർ 06109: ഓഗസ്റ്റ് 13, 20, 27, സെപ്തംബർ 3 (വ്യാഴാഴ്ചകളിൽ) തീയതികളിൽ ഉച്ചയ്ക്ക് 2.00 മണിക്ക് താംബരത്തുനിന്ന് പുറപ്പെട്ട് പിറ്റേന്ന് രാവിലെ 07.15 ന് തിരുവനന്തപുരം സെൻട്രലിൽ എത്തിച്ചേരും (ആകെ 4 സർവീസുകൾ).
