പുഞ്ചകർഷകർക്ക് നല്ലയിനം വിത്തു തന്നെ നൽകണം:വെൽഫെയർ പാർട്ടി

ചങ്ങരംകുളം:മുളക്കാത്ത വിത്ത് നൽകി പുഞ്ച കർഷകരെ വഞ്ചിക്കുന്ന കൃഷിവകുപ്പ് നല്ലയിനം വിത്തുകൾ ഉടൻ വിതരണം ചെയ്യണമെന്ന് വെൽഫെയർ പാർട്ടി ആലങ്കോട് പഞ്ചായത്ത് കൺവെൻഷൻ ആവശ്യപ്പെട്ടു.കൺവെൻഷൻ പാർട്ടി മലപ്പുറം ജില്ലാ സെക്രട്ടറി ഇബ്രാഹീം കുട്ടി മംഗലം ഉദ്ഘാടനം ചെയ്തു. പൊന്നാനി മണ്ഡലം പ്രസിഡണ്ട് മുഹമ്മദ് പൊന്നാനി പ്രവർത്തകർക്കുള്ള തെരഞ്ഞെടുപ്പ് പരിശീലന ശില്പശാല ഉദ്ഘാടനം ചെയ്തു.പഞ്ചായത്ത് പ്രസിഡന്റ് ഇ.വി. മുജീബ് കോക്കൂർ, സെക്രട്ടറി ടി.വി. മുഹമ്മദ് അബ്ദുറഹ്‌മാൻ, സി.പി.ഫൈസൽ,സീനത്ത് കോക്കൂർ,റുക്സാന ഇർഷാദ്,കെ.എ. റഷീദ, സലീം പുത്തൻ പുരക്കൽ എന്നിവർ പരിശീലന ശില്പശാലയിൽ വിവിധ വിഷയങ്ങൾ അവതരിപ്പിച്ചു.ആലങ്കോട് പഞ്ചായത്തിലെ കുടിവെള്ള വിതരണത്തിലെ പോരായ്മകൾ പരിഹരിക്കാൻ കേരള വാട്ടർ അതോറിറ്റി അധികാരികളോട് കൺവെൻഷൻ ആവശ്യപ്പെട്ടു.