എടപ്പാള്:പൊന്നാനി താലൂക്ക് ആശുപത്രിയില് രക്തം ചര്ദ്ധിച്ച് എത്തിയ യുവതിക്ക് ചികിത്സ നല്കാതെ തിരിച്ചയച്ചെന്ന് പരാതി.ഒരു മാസം മുമ്പ് എടപ്പാളില് പാമ്പ് കടിച്ച് ഗുരുതരാവസ്ഥയില് ആയിരുന്ന ഷഹല തെസ്നി എന്ന 22 കാരിയാണ് സംഭവത്തില് പൊന്നാനി പോലീസിന് പരാതി നല്കിയത്.
ഒരു മാസം മുമ്പാണ് എടപ്പാള് പാടത്തങ്ങാടിയില് താമസിക്കുന്ന ഷഹല തെസ്നിയെ പാമ്പ് കടിയേറ്റ് കുന്നംകുളം മലങ്കര ആശുപത്രിയില് പ്രവേശിപ്പിച്ചത്.അതീവ ഗുരുതരാവസ്ഥയില് തീവ്രപരിചരണവിഭാഗത്തില് കഴിഞ്ഞ ഷഹല തെസ്നി ഒരാഴ്ചക്ക് ശേഷം രോഗം മാറി വീട്ടിലെത്തിയെങ്കിലും ഏതാനും ദിവസം കഴിഞ്ഞപ്പോഴേക്കും രക്തം ചര്ദ്ധിക്കാന് തുടങ്ങി
ഡോക്ടറെ കാണിച്ചപ്പോള് മരുന്ന് നല്കി കുറച്ച് ദിവസം കഴിഞ്ഞ് മാറും എന്ന് പറഞ്ഞ് തിരിച്ചയക്കുകയും ചെയ്തു.സാമ്പത്തിക പ്രയാസം കാരണം പിന്നീട് അശുപത്രിയില് പോവാന് കഴിഞ്ഞില്ലെന്നും ഷഹല തെസ്നി പറയുന്നു
കഴിഞ്ഞ ദിവസം തുടരെ രക്തം ചര്ദ്ധിക്കുന്ന അവസ്ഥയും വേദനയും കൂടിയതോടെ അംശക്കച്ചേരിയിലെ പ്രാഥമിക ആരോഗ്യ കേന്ദ്രത്തിലും പിന്നീട് ഇവിടത്തെ ഡോക്ടറുടെ നിര്ദേശപ്രകാരം പൊന്നാനി താലൂക്ക് ആശുപത്രിയിലും ചികിത്സക്ക് എത്തി.എന്നാല് താലൂക്ക് ആശുപത്രിയിലെ ഡോക്ടര് തന്നെ കേള്ക്കാന് തയ്യാറായില്ലെന്നും അപമാനിച്ച് ഇറക്കി വിടുകയാണ് ചെയ്തതെന്നുമാണ് പരാതി.സംഭവം ചോദ്യം ചെയ്തതിന് തനിക്ക് ഇവിടെ ചികിത്സ ഇല്ലെന്നാണ് ഡോക്ടര് അറിയിച്ചത്
ഒരുപാട് വേദന സഹിച്ച് എത്തിയ തനിക്ക് പ്രാഥമിക ചികിത്സ പോലും നല്കാതെ സെക്യൂരിറ്റിയെ വിളിച്ച് പുറത്താക്കിയത് ശാരീരിക ബുദ്ധിമുട്ടുകള്ക്ക് അപ്പുറം മാനസികമായി തളര്ത്തിയെന്നും യുവതി പറഞ്ഞു.സംഭവത്തില് തസ്നി പൊന്നാനി പോലീസിന് പരാതി നല്കുകയും ചെയ്തു.പോലീസ് സ്റ്റേഷനില് നിന്ന് വിളിച്ച് പറഞ്ഞതിന് ശേഷമാണ് ആശുപത്രിയില് എത്തിയ തനിക്ക് മറ്റൊരുടെ സേവനം ലഭിച്ചത്.ഡോക്ടര് മെഡിക്കല് കോളേജില് ചികിത്സക്ക് നിര്ദേശം നല്കി പറഞ്ഞ് വിടുകയുമാണ് ചെയ്തതെന്നും യുവതി പറയുന്നു
ശാരീരികമായ കടുത്ത അസ്വസ്ഥതയും വേദനയും സഹിച്ച് സാമ്പത്തിക പ്രശ്നമുള്ളത് കൊണ്ടാണ് താലൂക്ക് ആശുപത്രിയില് എത്തിയതെന്നും വേദനക്കുള്ള മരുന്ന് പോലും നല്കാതെ തന്നെ അപമാനിച്ച് വിട്ടതിന് ആശുപത്രിയില് വന്ന പലരും സാക്ഷികളാണെന്നും യുവതി പരാതിയില് പറയുന്നുണ്ട്.സംഭവത്തില് മുഖ്യമന്ത്രിക്കും,ആരോഗ്യവകുപ്പിനും അടക്കം പരാതി നല്കാന് ഒരുങ്ങുകയാണ് യുവതി
