നീറ്റ് പരീക്ഷാ ക്രമക്കേട് ‘കേന്ദ്ര വിദ്യാഭ്യാസ മന്ത്രി രാജിവെക്കണമെന്ന് ആവശ്യം:യൂത്ത് കോൺഗ്രസ് സമര തെരുവ് സംഘടിപ്പിച്ചു

​ചങ്ങരംകുളം: നീറ്റ് പരീക്ഷാ ചോർച്ചയിലും ക്രമക്കേടുകളിലും പ്രതിഷേധിച്ച് കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാൻ രാജിവെക്കണമെന്നും വിദ്യാർത്ഥികളുടെ ഭാവി തകർക്കുന്ന നരേന്ദ്ര മോദി സർക്കാരിന്റെ നിലപാടുകൾ തിരുത്തണമെന്നും ആവശ്യപ്പെട്ട് യൂത്ത് കോൺഗ്രസ് പൊന്നാനി അസംബ്ലി കമ്മിറ്റിയുടെ നേതൃത്വത്തിൽ ചങ്ങരംകുളത്ത് ‘സമര തെരുവ്’ സംഘടിപ്പിച്ചു.പരിപാടിയുടെ ഉദ്ഘാടനം പി. ടി. അജയ്മോഹൻ നിർവ്വഹിച്ചു.വിദ്യാർത്ഥികളുടെയും ഉദ്യോഗാർത്ഥികളുടെയും ഭാവി വച്ച് പന്താടുന്ന കേന്ദ്ര ഭരണകൂടത്തിനെതിരെ ശക്തമായ പ്രക്ഷോഭങ്ങൾ ഉയർന്നുവരുമെന്ന് അദ്ദേഹം പറഞ്ഞു.യൂത്ത് കോൺഗ്രസ് പൊന്നാനി നിയോജക മണ്ഡലം പ്രസിഡന്റ് അഡ്വ.കെ. വി.സുജീർ ചടങ്ങിൽ അധ്യക്ഷത വഹിച്ചു.സമാപന സമ്മേളനം അഡ്വക്കറ്റ് സിദ്ധീഖ് പന്താവൂർ ഉദ്ഘാടനം നിർവ്വഹിച്ചു.ആലങ്കോട് മണ്ഡലം പ്രസിഡന്റ് സുഹൈർ എറവറാംകുന്ന് സ്വാഗതം പറഞ്ഞ ചടങ്ങിൽ നേതാക്കളായ യൂസഫ് പുളിക്കൽ,അൻസാർ പാലപ്പെട്ടി, നന്നമുക്ക് മണ്ഡലം പ്രസിഡന്റ് ഇർഷാദ് പള്ളിക്കര,റഹീസ്,താജുദ്ധീൻ,ജുബൈർ പന്താവൂർ, അനില വളയംകുളം, നസറുദ്ധീൻ,എന്നിവർ നേതൃത്വം നൽകി.മറ്റു കോൺഗ്രസ്‌,യുഡിഫ് നേതാക്കന്മാർ പരിപാടിയിൽ പങ്കെടുത്തു.