കാർബൺ ന്യൂട്രൽ സാമ്പിൾ സർവേ സംഘടിപ്പിച്ച് എ.എം.എൽ.പി.എസ്.പെരുമുക്ക്

ചങ്ങരംകുളം:പരിസ്ഥിതി സംരക്ഷണത്തിന്റെയും ഹരിത ജീവിതരീതികളുടെയും പ്രാധാന്യം ജനങ്ങളിലെത്തിക്കുന്നതിനായി പെരുമുക്ക് എ.എം.എൽ.പി. സ്കൂളിലെ മലയാള മനോരമ ‘നല്ലപാഠം’ ക്ലബ്ബിന്റെ നേതൃത്വത്തിൽ ‘കാർബൺ ന്യൂട്രൽ സാമ്പിൾ സർവേ 2026-27’ സംഘടിപ്പിച്ചു.പെരുമുക്കും പരിസര പ്രദേശങ്ങളും കേന്ദ്രീകരിച്ചാണ് സർവേ സംഘടിപ്പിച്ചത്.സ്കൂൾ പ്രധാന അധ്യാപിക ശാരി എ. സർവേയുടെ ഉദ്ഘാടനം നിർവഹിച്ചു.ദൈനംദിന ജീവിതത്തിൽ ഉണ്ടാകുന്ന കാർബൺ ഉദ്‌വമനം (Carbon Emission) കുറയ്ക്കുന്നതിനും, പ്രകൃതിസൗഹൃദ ശീലങ്ങൾ വളർത്തിയെടുക്കുന്നതിനും ലക്ഷ്യമിട്ടാണ് വിദ്യാർത്ഥികളും അധ്യാപകരും ചേർന്ന് ഈ സർവേ നടത്തിയത്.നല്ലപാഠം ക്ലബ്ബ് കോഓർഡിനേറ്റർ എബിൻ തങ്കച്ചൻ,അധ്യാപിക രഞ്ജിമ രാജൻ കെ.എന്നിവരുടെ മേൽനോട്ടത്തിലാണ് കുട്ടിശാസ്ത്രജ്ഞരും നല്ലപാഠം അംഗങ്ങളും സർവേ പ്രവർത്തനങ്ങൾക്ക് നേതൃത്വം നൽകിയത്.