പെരുമ്പിലാവ് പൂയംകുളത്ത് വാടാക കോർട്ടേഴ്സിൽ യുവാവിനെ മരിച്ച നിലയിൽ കണ്ടെത്തി

പെരുമ്പിലാവ് പൂയംകുളത്ത് വാടാക കോർട്ടേഴ്സിൽ യുവാവിനെ മരിച്ച നിലയിൽ കണ്ടെത്തി.പെരുമ്പിലാവ് പനവിളയിൽ 39 വയസ്സുള്ള ഷാജിയെയാണ് മരിച്ച നിലയിൽ കണ്ടെത്തിയത്. വാടക കോർട്ടേഴ്സിൽ തനിച്ച് താമസിച്ചിരുന്ന ഷാജിയെ സഹോദരൻ ഫോണിൽ വിളിച്ചപ്പോൾ കിട്ടാതിരുന്നതിനാൽ അന്വേഷിച്ച് എത്തിയപ്പോഴാണ് വീട് പൂട്ടി കിടക്കുന്ന നിലയില്‍ കണ്ടത്.സംശയം തോന്നിയതിനെ തുടർന്ന് നാട്ടുകാര്‍ ചേർന്ന് വീടിന്റെ പൂട്ടു പൊളിച്ച് അകത്തു കയറിയപ്പോഴാണ് അടുക്കളയിൽ ഷാജി മരിച്ചു കിടക്കുന്നതായി കണ്ടത്. വിവരം അറിയിച്ചതിനെ തുടർന്ന് കുന്നംകുളം പോലീസ് സ്ഥലത്തെത്തി മേൽ നടപടികൾ സ്വീകരിച്ചു.ഇൻക്വസ്റ്റ് തയ്യാറാക്കിയതിനുശേഷം മൃതദേഹം പോസ്റ്റ്മോർട്ടത്തിനായി തൃശൂർ മെഡിക്കൽ കോളേജിലേക്ക് മാറ്റി.