ചങ്ങരംകുളം ചിയ്യാനൂരില്‍ കടന്നല്‍ കൂട്ടത്തിന്റെ ആക്രമണം’വാര്‍ഡ് മെമ്പറും വിദ്യാര്‍ത്ഥിയും അടക്കം 5 പേര്‍ക്ക് പരിക്കേറ്റു

ചങ്ങരംകുളം:ചിയ്യാനൂരില്‍ കടന്നല്‍ കൂട്ടത്തിന്റെ ആക്രമണത്തില്‍ വാര്‍ഡ് മെമ്പറും വിദ്യാര്‍ത്ഥിയും അടക്കം 5 പേര്‍ക്ക് പരിക്കേറ്റു.ആലംകോട് ഗ്രാമപഞ്ചായത്ത് അംഗം കൂടിയായ കൊമ്പത്തേല്‍ മുഹമ്മദ് ഷെരീഫ്(48)കോക്കൂര്‍ സ്കൂളിലെ ഒമ്പതാം ക്ളാസ് വിദ്യാര്‍ത്ഥി കൂടിയായ ചിയ്യാനൂര്‍ സ്വദേശി പരുത്തികാട്ടില്‍ മന്‍ഷാദിന്റെ മകന്‍ റസല്‍(14)ചിയ്യാനൂര്‍ സ്വദേശി കോട്ടാമക്കല്‍ ഫിനറു(42) ചെത്ത് തൊഴിലാളി കൂടിയായ ആലംകോട് സ്വദേശി ഷാജി(55) വളയംകുളം മനക്കല്‍കുന്ന് സ്വദേശി നരിപ്പറമ്പ്മന വസന്ത(53)എന്നിവര്‍ക്കാണ് കടന്നലിന്റെ അക്രമത്തില്‍ പരിക്കേറ്റത്.ചൊവ്വാഴ്ച വൈകിയിട്ടാണ് സംഭവം.റസലിനെ കടന്നല്‍ കൂട്ടമായി വന്ന് അക്രമിക്കുകയായിരുന്നു.റസലിനെ അക്രമിക്കുന്നത് കണ്ട് രക്ഷപ്പെടുത്താന്‍ ശ്രമിക്കുന്നതിനിടെയാണ് ഫിനറുവിനും മുഹമ്മദ് ഷെരീഫിനെയും കടന്നല്‍ കൂട്ടം അക്രമിച്ചത്.പിന്നീട് ഇത് വഴി വന്ന ഷാജിക്കും വസന്തക്കും കടന്നലിന്റെ കുത്തേറ്റു.പരിക്കേറ്റവരെ ചങ്ങരംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും പരിക്ക് ഗുരുതരമായതിനാല്‍ റസലിനെ പിന്നീട് കുന്നംകുളത്തെ സ്വകാര്യ ആശുപത്രിയിലേക്ക് മാറ്റി