ആലങ്കോട് ഗ്രാമ പഞ്ചായത്തിന്റെ മഴക്കാല പൂർവ ശുചീകരണ ക്യാമ്പയിന് ചങ്ങരംകുളത്ത് തുടക്കമായി

ചങ്ങരംകുളം:‘നമ്മുടെ നാട്, നമ്മുടെ ഉത്തരവാദിത്തം’എന്ന പ്രമേയത്തെ ആസ്പദമാക്കി ആലങ്കോട് ഗ്രാമ പഞ്ചായത്തിന്റെ മഴക്കാല പൂർവ ശുചീകരണ ക്യാമ്പയിന് ചങ്ങരംകുളത്ത് തുടക്കമായി. ‘ശുചിത്വ ചങ്ങരംകുളം’ എന്ന പേരില്‍ നടന്ന പരിപാടി ചങ്ങരംകുളം ബസ് സ്റ്റാൻഡിൽ വച്ച് ഗ്രാമ പഞ്ചായത്ത് പ്രസിഡന്റ് ആസിയ ഇബ്രാഹിം ഉദ്ഘാടനം നിർവഹിച്ചു. വൈസ് പ്രസിഡന്റ് സുബൈർ ഉദിനുപറമ്പ് അധ്യക്ഷത വഹിച്ചു.ചടങ്ങിൽ ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ഫവാസ് മാളിയേക്കൽ,വികസന സ്റ്റാൻഡിംഗ് കമ്മിറ്റി ചെയർപേഴ്സൺ ശാരിക മുരളീധരൻ,ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ഫാത്തിമ ലത്തീഫ് എന്നിവർ ആശംസകൾ അർപ്പിച്ചു.വാർഡ് മെമ്പർമാരായ സിന്ധു മോഹൻ, വിപിൻ കെ.വി.അബൂബക്കർ സിദ്ധിഖ്, പി.പി. ഖാലിദ്, ജബ്ബാർ ആലങ്കോട്,റഷീദ് മദർ, ദിലീപ് എന്നിവരും ഹെൽത്ത് ഇൻസ്പെക്ടറും പരിപാടിയിൽ പങ്കെടുത്തു.ശുചീകരണ പ്രവർത്തനങ്ങൾക്ക് വാർഡ് മെമ്പർമാരായ ഷെരീഫ് ആണ്ടനാത്ത്, ഫൗസിയ കെ.വി.ഷറീന ഇസ്മയിൽ,ഫസീല ഷൗകത്ത്, സതി രാജൻ, ശ്രീ ദിവ്യ എന്നിവർ നേതൃത്വം നൽകി. ഹരിത കർമ്മസേനാ പ്രവർത്തകർ,തൊഴിലുറപ്പ് തൊഴിലാളികൾ, സിഡിഎസ് അംഗങ്ങൾ,വ്യാപാരി-വ്യവസായി സംഘടനാംഗങ്ങൾ,മെക് സെവൻ ചങ്ങരംകുളം പ്രതിനിധികൾ,ലയൺസ് ക്ലബ് അംഗങ്ങൾ, വിവിധ ക്ലബ്ബുകളിലെ പ്രവർത്തകർ എന്നിവരുടെ സജീവ പങ്കാളിത്തവും ശ്രദ്ധേയമായി.പരിസ്ഥിതി സംരക്ഷണവും പൊതുജനാരോഗ്യവും ലക്ഷ്യമാക്കിയാണ് ഗ്രാമപഞ്ചായത്ത് ക്യാമ്പയിന് തുടക്കം കുറിച്ചത്‌.