ചങ്ങരംകുളം നടുവട്ടത്തുനിന്ന് എംഡിഎംഎ യുമായി യുവാവ് പിടിയിൽ

ചങ്ങരംകുളം:നടുവട്ടത്തുനിന്ന് എംഡിഎംഎ യുമായി യുവാവ് പിടിയിൽ.പട്ടാമ്പി സ്വദേശിയായ ഷാഹുൽ ഹമീദ്,വയസ് (25) ശരീരത്തിൽ ഒളിപ്പിച്ച 20 ഗ്രാം എംഡിഎംഎ യുമായി ചങ്ങരംകുളം പോലീസ് പിടികൂടിയത്‌.നടുവട്ടം പെട്രോൾ പമ്പിന് സമീപത്ത് സംശയാസ്പദമായ രീതിയില്‍ കണ്ട യുവാവിന്റെ പെരുമാറ്റത്തിൽ സംശയം തോന്നിയതോടെ നാട്ടുകാർ ചങ്ങരംകുളം പോലീസില്‍ വിവരം അറിയിക്കുകയായിരുന്നു.തുടര്‍ന്ന് ചങ്ങരംകുളം പോലീസും തിരൂർ ഡിവൈഎസ്പി എഎം സിദ്ധിക്കിന്റെ കീഴിലുള്ള ഡാന്‍സാഫ് സംഘവും ചേർന്ന് നടത്തിയ പരിശോധനയിലാണ് യുവാവിനെയും ഇയാളുടെ എൻഫീൽഡ് ബൈക്കും പോലീസ് കസ്റ്റഡിയിൽ എടുത്തത്തുടര്‍ന്ന് നടത്തിയ പരിശോധനയില്‍ എംഡിഎംഎ കണ്ടെത്തുകയായിരുന്നു. 2024 ൽ ഇയാളും സഹോദരനും എംഡിഎംഎ യുമായി പട്ടാമ്പി പോലീസിന്റെ പിടിയിലായിരുന്നു.ജാമ്യത്തിലിറങ്ങിയ ഇയാൾ എംഡിഎംഎ വിൽപ്പന നടത്തുന്നതിനാണ് പ്രദേശത്ത് എത്തിയതെന്ന് പോലീസിനോട് സമ്മതിച്ചു. ഇയാളുടെ ഈ പ്രദേശത്തെ ഇടപാടുകാരെക്കുറിച്ച് പോലീസ് വിശദമായി അന്വേഷിക്കുന്നുണ്ട്.പിടിയിലായ പ്രതിയെ കോടതിയില്‍ ഹാജറാക്കും