പെരുമ്പിലാവിൽ നിർത്തിയിട്ട ലോറിക്ക് പിറകിൽ ബൈക്ക് ഇടിച്ച് ബൈക്ക് യാത്രികന് ഗുരുതരമായി പരിക്കേറ്റു

പെരുമ്പിലാവ് :പെരുമ്പിലാവിൽ നിർത്തിയിട്ട ലോറിക്ക് പിറകിൽ ബൈക്ക് ഇടിച്ച് ബൈക്ക് യാത്രികന് ഗുരുതരമായി പരിക്കേറ്റു. ബൈക്ക് യാത്രികനായ കൈപ്പമംഗലം കളരിക്കൽ 42 വയസ്സുള്ള അനൂപിനാണ് പരിക്കേറ്റത്. പെരുമ്പിലാവ് പ്രിയദർശിനി സ്റ്റോപ്പിന് സമീപം ഞായറാഴ്ച രാത്രി 11 . 30 ന് ആണ് അപകടം നടന്നത്. കുറ്റിപ്പുറം ഭാഗത്തേക്ക് നിർത്തിയിട്ടിരുന്ന ലോറിക്ക് പിറകിലാണ് ബൈക്ക് ഇടിച്ചത്.പരിക്കേറ്റ ബൈക്ക് യാത്രികനെ ആദ്യം പെരുമ്പിലാവ് അൻസാർ ആശുപത്രിയിൽ പ്രവേശിപ്പിച്ചുവെങ്കിലും പരിക്ക് ഗുരുതരമായതിനെ തുടർന്ന് തൃശ്ശൂരിലെ സ്വകാര്യ ആശുപത്രിയിലേക്ക് മാറ്റി. സംഭവമറിഞ്ഞ് കുന്നംകുളം പോലീസ് സ്ഥലത്തെത്തിയിരുന്നു.