ഇന്ത്യയിലെ വോട്ടെണ്ണൽ പ്രക്രിയയെ പ്രകീർത്തിച്ച് ഇലോൺ മസ്ക്. ഒപ്പം യുഎസിലെ, പ്രത്യേകിച്ചും കാലിഫോർണിയയിലെ ദൈർഘ്യമേറിയ വോട്ടെണ്ണൽ പ്രക്രിയയെ പരിഹസിക്കുകയും ചെയ്തു. എക്സിൽ പങ്കുവെച്ച ഒരു പോസ്റ്റിലാണ് മസ്കിന്റെ ഈ താരതമ്യം.
2024 ലോക്സഭാ തിരഞ്ഞെടുപ്പ് പൂർത്തിയായി തൊട്ടടുത്ത ദിവസം തന്നെ ഇന്ത്യ ഒറ്റദിവസം കൊണ്ട് 64 കോടി വോട്ടുകളെണ്ണിയെന്നും പ്രസിഡന്റ് തിരഞ്ഞെടുപ്പിന് ശേഷം കാലിഫോർണിയ ഇപ്പോഴും വോട്ടുകൾ എണ്ണുകയാണെന്നും മസ്ക് പറഞ്ഞു. നവംബർ അഞ്ചിന് വോട്ടെടുപ്പ് കഴിഞ്ഞ് 20 ദിവസമായിട്ടും ഇവിടെ വോട്ടെണ്ണൽ പൂർത്തിയായിട്ടില്ല.
ഇന്ത്യ എങ്ങനെയാണ് 64 കോടി വോട്ടുകൾ ഒരു ദിവസം കൊണ്ട് എണ്ണിയത് എന്ന തലക്കെട്ടോടുകൂടിയുള്ള ഒരു മാധ്യമവാർത്ത പങ്കുവെച്ചാണ് മസ്കിന്റെ പോസ്റ്റ്.
ഈ വർഷം ആദ്യമാണ് ഇന്ത്യയിൽ ലോക്സഭാ തിരഞ്ഞെടുപ്പ് നടന്നത്. 90 കോടി വോട്ടർമാരുള്ള രാജ്യത്ത് 64.2 കോടി ആളുകൾ വോട്ട് രേഖപ്പെടുത്തി. തിരഞ്ഞെടുപ്പ് പൂർത്തിയായി ഒരു ദിവസത്തിനുള്ളിലാണ് ഇന്ത്യ ഫലം പ്രഖ്യാപിച്ചത്.
