വനിതാദിനത്തില്‍ പൈതൃക കര്‍ഷക സംഘത്തിന്റെ രണ്ട് ഏക്കര്‍ സ്ഥലത്ത് തണ്ണിമത്തന്‍ വിളവെടുപ്പ് നടത്തി

ചങ്ങരംകുളം:ആലംകോട് പഞ്ചായത്തിലെ വനിതകളുടെയും യുവാക്കളുടെയും കര്‍ഷക കൂട്ടായ്മയായ എറവറാകുന്ന് പൈതൃക കര്‍ഷക സംഘത്തിന്റെ ഈ വര്‍ഷത്തെ തണ്ണിമത്തന്‍ കൃഷി വിളവെടുപ്പ് നടത്തി.കഴിഞ്ഞ പത്ത് വര്‍ഷത്തോളമായി പ്രദേശത്ത് കാര്‍ഷിക രംഗത്ത് വിപ്ളവം തീര്‍ത്ത പൈതൃക ഇത്തവണ രണ്ട് ഏക്കര്‍ സ്ഥലത്താണ് തണ്ണിമത്തന്‍ വിളയിച്ചത്.ഷമാം,പൊട്ടുവെള്ളരി,കക്കരി തുടങ്ങിയവയുടെ വിളവെടുപ്പും ഒപ്പം നടത്തി.വനിതാ ദിനത്തില്‍ നടന്ന വിളവെടുപ്പ് ആലംകോട് ഗ്രാമപഞ്ചായത്ത് പ്രസിഡണ്ട് ആസിയ ഇബ്രാഹിം ഉദ്ഘാടനം ചെയ്തു.വൈസ് പ്രസിഡണ്ട് സുബൈര്‍ ഉദിനുപറമ്പ് അധ്യക്ഷത വഹിച്ചു.സുഹൈര്‍ എറവറാംകുന്ന് സ്വാഗതം പറഞ്ഞു.സ്റ്റാന്റിങ് കമ്മിറ്റി ചെയര്‍ പെഴ്സണ്‍ ഫവാസ് മാളിയേക്കല്‍,ബ്ളോക്ക് മെമ്പര്‍,ഹസീബ് കോക്കൂര്‍,കൃഷി അസിസ്റ്റന്റ് മനോജ് തുടങ്ങിയവര്‍ ആശംസകള്‍ നേര്‍ന്നു.മറ്റു ജനപ്രതിനിധികളും കര്‍ഷകരും നാട്ടുകാരും പങ്കെടുത്തു.സുഹൈര്‍ എറവറാംകുന്ന്,ഷബാഹു സലാം,അബ്ബാസ് എന്‍എം,മൂസ ഇഎം,അമീറ സബാഹു തുടങ്ങിയവരാണ് കൃഷിക്ക് നേതൃത്വം നല്‍കുന്നത്.നെല്‍കൃഷി രംഗത്തും,പച്ചക്കറി കൃഷി രംഗത്തും അടക്കം ഓരോ വര്‍ഷവും നിരവധി പരീക്ഷണങ്ങളാണ് പൈതൃക കര്‍ഷക സംഘം നടത്തി വരുന്നത്.കാര്‍ഷിക രംഗത്ത് മികച്ച വിജയം കൊയ്ത് മുന്നോട്ട് പോകുന്ന പൈതൃക കൂട്ടായ്മ കഴിഞ്ഞ വര്‍ഷം സംസ്ഥാന സര്‍ക്കാരിന്റെ മികച്ച കര്‍ഷക കൂട്ടായ്മക്കുള്ള അവര്‍ഡും കരസ്ഥമാക്കിയിരുന്നു