മൂച്ചിക്കല്‍ കോള്‍പടവില്‍ താല്‍കാലിക ബണ്ട് തകര്‍ന്ന് കര്‍ഷകര്‍ക്ക് ലക്ഷങ്ങളുടെ നഷ്ടം

ചങ്ങരംകുളം:മൂച്ചിക്കല്‍ കോള്‍പടവില്‍ താല്‍കാലിക ബണ്ട് തകര്‍ന്ന് കര്‍ഷകര്‍ക്ക് ലക്ഷങ്ങളുടെ നഷ്ടം.നന്നംമുക്ക് പഞ്ചായത്തിലെ മൂച്ചിക്കല്‍ കോള്‍പടവിലെ താല്‍ക്കാലിക ബണ്ടാണ് തകര്‍ന്നത്.കൃഷിക്കുള്ള ഒരുക്കങ്ങള്‍ക്കിടെയാണ് ബണ്ട് തകര്‍ന്നത്.കര്‍ഷകര്‍ രണ്ട് ലക്ഷം രൂപയോളം ചിലവിട്ടാണ് കൃഷി ഒരുക്കുന്നതിനായി താല്‍ക്കാലിക ബണ്ട് നിര്‍മിച്ചത്.കൃഷി വകുപ്പിന്റെയും ഇറിഗേഷന്‍ വകുപ്പിന്റെയും അനാസ്ഥയാണ് ബണ്ട് തകരാന്‍ കാരണമെന്നാണ് കര്‍ഷകരുടെ ആരോപണം.മുണ്ടകന്‍ കര്‍ഷകര്‍ക്കായി വെള്ളം തടഞ്ഞ് നിര്‍ത്തിയാണ് ബണ്ട് തരാന്‍ കാരണമായത്.ബണ്ട് തകര്‍ച്ചാ ഭീഷണിയിലിണെന്ന് അധികൃതരെ അറിയിച്ചതാണെന്നും തകര്‍ന്ന ബണ്ട് പുനര്‍നിര്‍മിച്ച് പുഞ്ചക്കര്‍ഷകരുടെ പ്രശ്നങ്ങള്‍ക്ക് പരിഹാരം കാണണമെന്നും കര്‍ഷകര്‍ ആവശ്യപ്പെട്ടു