പൊന്നാനി നിയോജക മണ്ഡലത്തിലെ തദ്ദേശസ്ഥാപനങ്ങളിലെ വാർഡ് വിഭജനം അശാസ്ത്രീയം:കോൺഗ്രസ്സ്

പൊന്നാനി നിയോജക മണ്ഡലത്തിൽ ഉൾപ്പെട്ട തദ്ദേശ സ്വയം ഭരണ സ്ഥാപനങ്ങളിലെ വാർഡ് വിഭജനം അശാസ്ത്രീയവും ,മാർഗ്ഗ നിർദ്ദേശങ്ങൾ മറികടന്നുമാണ് നടപ്പിലാക്കിയിട്ടുള്ളതെന്ന് പൊന്നാനി നിയോജക മണ്ഡലം കോൺഗ്രസ്സ് ഡീലിമിൻ്റേഷൻ കമ്മിറ്റി ആരോപിച്ചു.ഭരണ സ്വാധീനം ഉപയോഗിച്ച് ഉദ്യോഗസ്ഥരിൽ സമ്മർദ്ദം ചെലുത്തി കൊണ്ട് സി.പി.എം .ൻ്റെ നിർദ്ദേശാനുസരണമാണ് വാർഡ് വിഭജനത്തിൻ്റെ കരട് വിജ്ഞാപനം ഇറക്കിയിട്ടുളത്.ഭൂമിശാസ്ത്രപരമായ അതിരുകൾ ലംഘിച്ചതായി വ്യക്തമായിട്ടുണ്ട്.സി. പി. എമ്മിന് സ്വാധീനമുള്ളവ അതേപടി നിലനിർത്തി കൊണ്ടു , അല്ലാത്ത വാർഡുകളിൽ വ്യാപകമായ ക്രമക്കേടുകൾ നടത്തിയുമാണ് കരട് വിജ്ഞാപനം ഇറക്കിയിട്ടുള്ളത് .ഇതിനായി കൂട്ടുനിൽക്കുന്ന ഉദ്യോഗസ്ഥരെ സ്ഥലം മാറ്റം മുഖേന നേരെത്തെ നിയമിക്കുകയും ചെയ്തിട്ടുണ്ട് .ഇത്തരം നീക്കങ്ങൾക്കെതിരെ
യു.ഡി.എഫ് മായി കൂടിയാലോചിച്ച് ജനകീയമായും നിയപരമായുമുള്ള പോരാട്ടം നടത്തുമെന്നും ,ബന്ധപ്പെട്ട സമിതി മുമ്പാകെ ആക്ഷേപങ്ങൾ നല്കുമെന്നും യോഗം അറിയിച്ചു.യു .ഡി. എഫ് . ജില്ലാ ചെയർമാൻ
പി.ടി. അജയ് മോഹൻ യോഗം ഉദ്ഘാടനം ചെയ്തു.പൊന്നാനി നിയോജക മണ്ഡലം കോൺഗ്രസ്സ് ഡീലിമിറ്റേഷൻ കമ്മിറ്റി ചെയർമാൻ അഡ്വ: ജോസഫ് അധ്യക്ഷത വഹിച്ചു .കൺവീനർ കല്ലാട്ടേൽ ഷംസു ,അംഗങ്ങളായ അഡ്വ സിദ്ദിഖ് പന്താവൂർ , ടി.കെ. അശറഫ് , മുസ്തഫ വടമുക്ക് , പി.ടി. ഖാദർ , കെ. എം .അനന്തകൃഷ്ണൻ , അഡ്വ : അബ്ദുൾ ജബ്ബാർ , സുരേഷ് പുന്നക്കൽ എന്നിവർ പ്രസംഗിച്ചു .