ആലംകോട് ഗ്രാമ പഞ്ചായത്ത് വികസന സെമിനാർ സംഘടിപ്പിച്ചു

ചങ്ങരംകുളം:ആലങ്കോട് ഗ്രാമ പഞ്ചായത്ത് 2026-27 വാർഷിക പദ്ധതിയുടെ ഭാഗമായുള്ള വികസന സെമിനാർ ചങ്ങരംകുളം ഷൈൻ ഓഡിറ്റോറിയത്തിൽ വെച്ച് നടന്നു.പഞ്ചായത്തിന്റെ സമഗ്രമായ വികസന പ്രവർത്തങ്ങൾക്ക് വേണ്ടി അടുത്ത വർഷം പഞ്ചായത്തിൽ നടപ്പിക്കേണ്ട പദ്ധതികളെ കുറിച്ച് വിശദമായ ചർച്ച നടന്നു.ലഹരിക്കെതിരെ ബോധവൽക്കരണം,കാൻസർ നിർമാർജ്ജനം,ഭിന്നശേഷികർക്കുള്ള വ്യത്യസ്ത പദ്ധതികൾ,പൊതു കളിസ്ഥലം എന്നിവക്ക് മുൻഗണന നൽകികൊണ്ടുള്ള പദ്ധതികൾ ആവിഷ്കരിക്കാൻ തീരുമാനിച്ചു.ഗ്രാമ പഞ്ചായത്ത് പ്രസിഡന്റ് ആസിയ ഇബ്രാഹിം അധ്യക്ഷത വഹിച്ചു.ജില്ലാ പഞ്ചായത്ത് മെമ്പർ അഷ്ഹർ പെരുമുക്ക് ഉൽഘാടനം നിർവഹിച്ചു.വൈസ് പ്രസിഡന്റ് സുബൈർ ഉദിനുപറമ്പ് സ്വാഗതം പറഞ്ഞു.വാർഷിക പദ്ധതി വിശദീകരണം ആസൂത്രണ സമിതി ഉപാധ്യക്ഷൻ പി പി യൂസുഫ് അലി നിർവഹിച്ചു.2026-27 പദ്ധതി അവതരണം വികസന സ്റ്റാന്റിംഗ് കമ്മിറ്റി ചെയർമാൻ ശാരിക മുരളീധരൻ നിർവഹിച്ചു.സ്റ്റാന്റിംഗ് കമ്മിറ്റി ചെയർമാന്മാരായ ഫവാസ് മാളിയേക്കൽ,ഫാത്തിമ ലത്തീഫ്,ആസൂത്രണ സമിതി അംഗങ്ങളായ ഷാനവാസ് വട്ടത്തൂർ,അടാട്ട് വാസുദേവൻ,സിദ്ധിഖ് പന്താവൂർ,പി വിജയൻ,സെക്രട്ടറി അഭിജിത്ത്,അസിസ്റ്റന്റ് സെക്രട്ടറി എ എസ് സുധൻ എന്നിവർ സംസാരിച്ചു.