കവി രുദ്രൻ വാരിയത്തിന് സത്യജിത് റേ അവാർഡ് സമ്മാനിച്ചു

മാറഞ്ചേരി:തിരുവനന്തപുരം സത്യജിത് റേ ഫിലിം സൊസൈറ്റിയുടെ പതിനൊന്നാമത് സാഹിത്യ പുരസ്കാരം കവി രുദ്രൻ വാരിയത്ത് ഏറ്റ് വാങ്ങി” കലിയുഗക്കാഴ്ച്ചകൾ “എന്ന കവിതാ സമാഹാരത്തിനാണ് അവാർഡു ലഭിച്ചത്. തിരുവനന്തപുരം ഏ.കെ.ജി. ഹാളിൽ നടന്ന പ്രൗഡോജ്വലചടങ്ങിൽ പ്രശസ്ത സംവിധായകരായ ബാലു കിരിയത്ത്, സജിൻ ലാൽ, തുളസിദാസ്, പി.എ സുരേഷ് ബാബു, സിനിമാ നടൻന്മാരായഹരീഷ് പേരടി, എം ആർ ഗോപകുമാർ, സാഹിത്യകാരൻ ഡോ. ജോർജ് ഓണക്കൂർ, വയലാർ ശരത്ചന്ദ്ര വർമ്മ, തുടങ്ങിയവർ ചേർന്നാണ് അവാർഡ് നൽകിയത്. ജി. വേണുഗോപാൽ,കെ.പി.സുധീര ,അളകപ്പൻ, തുടങ്ങിയ പ്രശസ്തർ സന്നിഹിതരായിരുന്നു. സത്യജിത് റേ പതിനൊന്നാമത് അവാർഡ് സെറിമണി സിവിൽ സപ്ലൈസ് മന്ത്രി ജി.ആർ. അനിൽ ഉദ്ഘാടനം ചെയ്തു. സൊസൈറ്റി ചെയർമാൻ സജിൻ ലാൽ അധ്യക്ഷത വഹിച്ചു.പ്രശസ്ത സിനിമാഗാനരചയിതാവ് രാജീവ് ആലുങ്കൽ ആണ് ഈ കൃതിയുടെ അവതാരിക എഴുതിയിരിക്കുന്നത്.