എടപ്പാള്:മാണൂരില് ഓട്ടിസം ബാധിച്ച മകളെ വെള്ളത്തില് മുക്കി കൊന്ന് മാതാവിനെ തൂങ്ങി മരിച്ച നിലയില് കണ്ടെത്തി.മാണൂര്
പുതുക്കുടിയില് അനിത(57)ആണ് മകള് അഞ്ജന(30) യെ ഡ്രമ്മിലെ വെള്ളത്തില് മുക്കി കൊന്ന് വീടിന് മുന്വശത്ത് മരത്തില് തൂങ്ങി മരിച്ച നിലയില് കണ്ടെത്തിയത്.
രാവിലെ 8 മണിയോടെ പ്രദേശവാസികളാണ് അനിതയെ മരത്തില് തൂങ്ങിയ നിലയില് കണ്ടത്.തുടര്ന്ന് നാട്ടുകാര് വീട്ടിലെത്തിയപ്പോള് വീട്ടുമുറ്റത്ത് ഡ്രമ്മില് മകളെയും വെള്ളത്തില് മുക്കി കൊലപ്പെടുത്തിയ നിലയില് കണ്ടെത്തുകയായിരുന്നു.തുടര്ന്ന് നാട്ടുകാര് പോലീസില് വിവരം അറിയിക്കുകയായിരുന്നു.
എടപ്പാള് ഹോസ്പിറ്റലില് ജീവനക്കാരനായ മകന് അജിത്ത് രാത്രി ജോലിക്ക് പോയിരുന്നു.അനിതയുടെ ഭര്ത്താവ് ഗോപാലകൃഷ്ണന് ഒരു മാസം മുമ്പാണ് മരിച്ചത്.വേറെ ആരും വീട്ടിലുണ്ടായിരുന്നില്ല.ഭര്ത്താവിന്റെ മരണം അനിതയെ മാനസികമായി തളര്ത്തിയിരുന്നു എന്നാണ് വിവരം.
കുറ്റിപ്പുറം സിഐ നൗഫലിന്റെ നേതൃത്വത്തില് പോലീസെത്തി സംഭവത്തില് അന്വേഷണം തുടങ്ങി.ഫോറന്സിക് അടക്കമുള്ള സംഘം എത്തിയ ശേഷം മാത്രമെ മൃതദേഹം ഇന്ക്വസ്റ്റ് നടപടികള് നടത്തൂ എന്ന് പോലീസ് അറിയിച്ചു.
ജന്മന ഓട്ടിസം ബാധിച്ച അഞ്ജനക്ക് നടക്കാന് പോലും കഴിയില്ലെന്നും ചെയറില് ഇരിക്കാന് മാത്രമെ കഴിയുമെന്നും നാട്ടുകാര് പറഞ്ഞു
